News August 6, 2025
నులిపురుగుల నివారణకు తగిన జాగ్రత్తలు తీసుకోండి: కలెక్టర్
జాతీయ నులిపురుగుల నివారణ దినోత్సవంలో ఆల్బెండజోల్ మాత్రలు వైద్యుల సమక్షంలోనే వేయాలని విశాఖ కలెక్టర్ హరేంధిర ప్రసాద్ ఆదేశించారు. ఆగస్టు 12న 1-19 ఏళ్ల పిల్లలకు ఉచితంగా మాత్రలు పంపిణీ చేయనున్నారు. ఆరోజు అందుబాటులో లేని వారికి 20న పంపిణీ చేస్తారు. ఖాళీ కడుపుతో మాత్రలు వేయకూడదని, ప్రాణాంతక రియాక్షన్లు నివారించేందుకు మెడికల్ కిట్, అంబులెన్స్‌లు సిద్ధంగా ఉంచాలని సూచించారు.
Similar News
News August 7, 2025
విశాఖలో నిపర్, CGHS కేంద్రాల కోసం ఎంపీ శ్రీభరత్ వినతిపత్రం
విశాఖలో ఫార్మాస్యూటికల్ విద్య, పరిశోధన, ఆరోగ్య సేవల అభివృద్ధికి నిపర్ ఏర్పాటు అవసరమని కోరుతూ ఎంపీ శ్రీభరత్ కేంద్ర ఆరోగ్య మంత్రి జేపీ నడ్డాను ఢిల్లీలో కలిశారు. విద్యా-పరిశ్రమల అనుసంధానం, పరిశోధన, ఉద్యోగావకాశాలకు ఇది దోహదపడుతుందని వివరించారు. అలాగే కేంద్ర ఉద్యోగుల కోసం రెండు CGHS వెల్నెస్ సెంటర్లు, డైరెక్టరేట్ కార్యాలయాల ఏర్పాటుకు విజ్ఞప్తి చేశారు.
News August 7, 2025
విశాఖ: లూజ్‌లో పెట్రోల్ అమ్మకాలు
విశాఖలోని పలు పెట్రోల్ బంకులు నిబంధనలకు తూట్లు పొడుస్తున్నాయి. డైరీ ఫారం సమీపంలోని ఓ బంక్‌లో లూజు పెట్రోల్ అమ్ముతున్నారు. దీంతో కల్తీ పెట్రోల్ అమ్మకాలతో పాటు నేరాల చేసేందుకు ఆస్కారం ఉంది. అధికారులు స్పందించి లూజ్ విక్రయాలు నివారించాలని ప్రజలు కోరుతున్నారు.
News August 7, 2025
బక్కన్నపాలెంలో 22.64 ఎకరాలు కేటాయించాం: విశాఖ ఎంపీ
కేంద్ర మంత్రి వీరేందర్ కుమార్‌ను ఎంపీ శ్రీభరత్ బుధవారం కలిసి డిసెబిలిటీ స్పోర్ట్స్ సెంటర్‌ పనులు వేగవంతం చేయాలని విజ్ఞప్తి చేశారు. గంభీరం భూమి అనువుకాదని, కొత్తగా బక్కన్నపాలెంలో 22.64 ఎకరాలు కేటాయించామని తెలిపారు. కేంద్ర-రాష్ట్ర అధికారులు పరిశీలించి ఆమోదించారని, త్వరితంగా అనుమతులు మంజూరు చేయాలని కోరారు. ఈ హబ్ దివ్యాంగ అథ్లెట్లకు శిక్షణా కేంద్రంగా మారుతుందని తెలిపారు.