News January 18, 2025
నెల్లూరు: ఇరిగేషన్లో రెగ్యులర్ ఎస్ఈల నియామకం
చాలా కాలంగా ఇన్ఛార్జ్ల పాలన కొనసాగుతున్న నెల్లూరు జిల్లాలోని ఇరిగేషన్ సర్కిళ్లకు రెగ్యులర్ ఎస్ఈలు నియమితులయ్యారు. నెల్లూరు సర్కిల్ ఎస్ఈగా దేశా నాయక్, సోమశిల ప్రాజెక్టు ఎస్ఈగా రమణారెడ్డి, నెల్లూరు తెలుగు గంగ ప్రాజెక్టు ఎస్ఈగా రాధాకృష్ణారెడ్డిని నియమిస్తూ ప్రభుత్వం ఉత్తర్వులిచ్చింది. ఇప్పటి వరకు దేశా నాయక్, రమణారెడ్డి అదే పోస్టుల్లో ఇన్ఛార్జ్లుగా ఉన్నారు.
Similar News
News February 19, 2026
నెల్లూరు MP నకిలీ PA అరెస్ట్..!
నెల్లూరు ఎంపీ వేమిరెడ్డి పీఏనని చెప్పుకుంటూ బెదిరింపులకు పాల్పడిన వ్యక్తిని 4వ పట్టణ పోలీసులు గురువారం అదుపులోకి తీసుకున్నారు. తిరుపతికి చెందిన నదీమ్గా ఎంపీ పీఏనని ప్రచారం చేసుకుంటున్నాడు. ఈక్రమంలో జమ్మలమడుగుకు చెందిన గొల్ల నరేశ్ అనే వ్యక్తిని బెదిరించాడు. వాళ్లు ఎంపీ కార్యాలయానికి సమాచారం ఇవ్వడంతో పోలీసులకు ఫిర్యాదు చేశారు. నిందితుడిని పోలీసులు అదుపులోకి తీసుకున్నట్లు ఎంపీ కార్యాలయం తెలిపింది.
News February 19, 2026
నెల్లూరు జిల్లాలో రొయ్యలకు వైరస్
నెల్లూరు జిల్లాలో వాతావరణ మార్పులతో వెనామీ రొయ్యలకు వైట్ స్పాట్ వైరస్ సోకింది. ఉష్ణోగ్రతలు తగ్గడంతో రొయ్యల తలపై తెల్లటి మచ్చలు ఏర్పడి, మేత మానేస్తున్నాయి. ఆక్సిజన్ అందక రొయ్య పిల్లలు గుంటల్లోనే చనిపోవడంతో రైతులు భారీగా నష్టపోతున్నారు. కోట, వాకాడు మండలాల్లో పరిస్థితి దారుణంగా ఉంది. పెట్టుబడి రాక రైతులు తక్కువ ధరకే విక్రయిస్తూ కుదేలవుతున్నారు.
News February 19, 2026
నెల్లూరు: యువకుడి డెడ్బాడీ లభ్యం
బోగోలు మండలం తాడిచెట్లపాలెం సముద్రంలో ఈతకు వెళ్లి ఉలవపాల గ్రామానికి చెందిన ఇద్దరి యువకులు గల్లంతయిన విషయం తెలిసిందే. ఇద్దరు యువకులలో దీపక్ మృతదేహం ఆరోజే లభ్యం కాగా, నూనె లోకేశ్ అనే యువకుడు మృతదేహం కోసం గాలింపు చర్యలు చేపట్టారు. గురువారం లోకేశ్ డెడ్ బాడీ అల్లూరు మండలం ఇసుకపల్లె సముద్ర తీరంలో లభ్యమైంది. మృతదేహాన్ని పోస్టుమార్టం నిమిత్తం కావలి ఏరియా వైద్యశాలకు తరలించారు.