News September 20, 2025
నెల్లూరు జిల్లా జాయింట్ కలెక్టర్‌గా మొగిలి వెంకటేశ్వర్లు
నెల్లూరు జిల్లా జాయింట్ కలెక్టర్ కార్తీక్ బదిలీ అయ్యారు. నూతన JC గా మొగిలి వెంకటేశ్వర్లును నియమిస్తూ ప్రభుత్వ చీఫ్ సెక్రెటరీ విజయనంద్ ఉత్తర్వులు జారీ చేశారు. శనివారం రాష్ట్రవ్యాప్తంగా 9 మంది ఐఏఎస్ అధికారులను బదిలీ చేశారు. ఈ క్రమంలో నెల్లూరు జాయింట్ కలెక్టర్‌గా మొగిలి వెంకటేశ్వర్లు నియామకం అయ్యారు.
Similar News
News September 20, 2025
నెల్లూరు: DCMS మాజీ ఛైర్మన్ వీరి చలపతి అరెస్ట్!
వైసీపీ కీలక నేత, DCMS మాజీ ఛైర్మన్ వీరి చలపతిని పోలీసులు అదుపులోకి తీసుకున్నారు. నెల్లూరులోని మాజీ ఎమ్మెల్యే నల్లపురెడ్డి ప్రసన్న కుమార్ రెడ్డి నివాసానికి వెళ్లి తిరిగి ఇంటికి వెళుతున్న క్రమంలో అతన్ని పోలీసులు అదుపులోకి తీసుకున్నట్లు తెలుస్తోంది. అక్కడి నుంచి నెల్లూరు రూరల్ DSP కార్యాలయానికి తరలించారు. అయితే ఏ కేసులో అరెస్టు చేశారనే విషయాన్ని పోలీసులు గోప్యంగా ఉంచారు.
News September 20, 2025
నెల్లూరు: ఈనెల 22 నుంచి దసరా సెలవులు: DEO
ఈనెల 22 నుంచి 11 రోజులపాటు జిల్లాలోని అన్ని పాఠశాలలకు దసరా సెలవులు ప్రకటించినట్లు జిల్లా విద్యాధికారి డాక్టర్ ఆర్ బాలాజీ రావు ఒక ప్రకటనలో తెలిపారు. జిల్లాలోని ప్రభుత్వ, ప్రైవేటు పాఠశాలల యాజమాన్యులు ప్రభుత్వ నిబంధనలకు లోబడి విద్యార్థులకు సెలవులు ప్రకటించాలని సూచించారు. సెలవు రోజుల్లో ఎవరైనా తరగతులు నిర్వహిస్తే క్రమశిక్షణ చర్యలు తప్పవని హెచ్చరించారు.
News September 20, 2025
నెల్లూరు: కూలితే ప్రమాదమే..!
జాతీయ రహదారి నుంచి కోవూరు మండలం ఇనమడుగు సెంటర్‌కు వెళ్లే రహదారిలో భారీ వాహనాలు రాకపోకలు సాగించకుండా ఏర్పాటు చేసిన భారీకేడ్ కూలేందుకు సిద్ధంగా ఉంది. ఓ వైపు కింది భాగం ఊడిపోయి పక్కకు జరిగిపోయింది. ఈ క్రమంలో ఆ భారీకేడ్ పడిపోయి ప్రమాదం పొంచి ఉంది. ఏమాత్రం వాహనాల రాకపోకల్లో భారీకేడ్ పడిపోతే పెనుప్రమాదం జరిగే అవకాశం ఉంది. అధికారులు స్పందించి తగు చర్యలు తీసుకోవాలని ప్రజలు కోరుతున్నారు.