News February 11, 2026
నెల్లూరు: టెన్త్ విద్యార్థులకు రేపే లాస్ట్ ఛాన్స్
నెల్లూరు జిల్లాలో మార్చి 16 నుంచి టెన్త్ పరీక్షలు జరగనున్నాయి. భవిష్యత్తులో 10 మార్కుల లిస్ట్ అన్నింటికీ కీలకం. అందులో తప్పులు ఉంటే ఇబ్బందులు వస్తాయి. ఇప్పటికే ఫీజు చెల్లించిన విద్యార్థులు మీ వివరాల్లో తప్పులు ఉంటే రేపటి(FEB 12) లోగా సరిచేసుకోవాలి. HMలను సంప్రదించి విద్యార్థి, తల్లిదండ్రుల పేర్లు, కులం, ఫొటో, సంతకం మార్చుకోవచ్చు. డేట్ ఆఫ్ బర్త్ మార్చడం వీలుండదని అధికారులు తెలిపారు.
Similar News
News February 11, 2026
NLR: నూతన విధానంలో ఇన్విజిలేటర్ల నియామకం
పది పరీక్షలకు ఇన్విజిలేటర్ల నియామకం పద్ధతి మారనుంది. రాష్ట్ర విద్యాశాఖ అధికారులే బాధ్యతలు నిర్వహించనున్నారు. టీచర్స్ ఇన్ఫర్మేషన్ సిస్టం(టిస్)లో నమోదైన వివరాల ప్రకారం విధులు కేటాయించనున్నారు. ఇక కారణాలు చెప్పి విధులకు తప్పించుకునే వీలుండదు. 60 ఏళ్లు పైబడిన దీర్ఘకాలిక వ్యాధులు ఉన్న టీచర్లు ఈ రూల్ మినహాయింపు. జిల్లాలో 174 పరీక్ష కేంద్రాలు ఉండగా.. 27,931 మంది పరీక్షలు రాయనున్నారు.
News February 11, 2026
నెల్లూరు: ఇద్దరే విద్యార్థులు ఉన్నారని..!
నెల్లూరు జిల్లా వరికుంటపాడు(M) నల్లబోతులవారిపల్లి ప్రాథమిక పాఠశాల మంగళవారం మూతపడింది. ఇక్కడ ఇద్దరే చదువుతుండగా ఓ టీచర్ పనిచేస్తున్నారు. కాంచెరువు స్కూల్ టీచర్ సెలవు పెట్టడంతో నల్లబోతులవారిపల్లి టీచర్కు ఇన్ఛార్జ్ బాధ్యతలు ఇచ్చారు. ఆయన అక్కడికి వెళ్లారు. ఇక్కడ ఇద్దరే విద్యార్థులు ఉండటంతో.. ఏ స్కూల్లో టీచర్లు లేకపోయినా నల్లబోతువారిపల్లె టీచర్ను తరచూ పంపిస్తూ ఇక్కడి వారిని పట్టించుకోవడం లేదు.
News February 11, 2026
నెల్లూరు: చదవడం ఇష్టం లేక పరార్..!
నెల్లూరులో ఇద్దరు విద్యార్థులు పారిపోవడం కలకలం రేపింది. పోలీసుల వివరాల మేరకు.. నాలుగో మైలు ఏరియాలోని ఓ ప్రైవేట్ స్కూల్లో ఇద్దరు 8వ తరగతి చదువుతున్నారు. అదే స్కూల్కు చెందిన హాస్టల్లో వాళ్లు ఉంటున్నారు. అక్కడ చదవడం వాళ్లకు ఇష్టం లేదు. సోమవారం స్కూల్లో ఓ ఫంక్షన్ చేశారు. ఆ సమయంలో గేట్లు తెరిచి ఉంచడంతో ఆ ఇద్దరూ పారిపోయారు. మంగళవారం రాత్రి వాళ్ల ఇళ్లకు చేరుకోవడంతో అందరూ ఊపిరి పీల్చుకున్నారు.