News January 27, 2025
నెల్లూరు: వాహనం ఢీకొని చిరుత మృతి
నెల్లూరు జిల్లా మర్రిపాడు మండలం సింగనపల్లి అటవీ ప్రాంతం వద్ద గుర్తుతెలియని వాహనం ఢీకొని చిరుత మృతి చెందింది. సోమవారం తెల్లవారుజామున విజయవాడ జాతీయ రహదారిపైకి వచ్చిన చిరుతను గుర్తుతెలియని వాహనం ఢీకొట్టింది. తీవ్ర గాయాలతో గంటపాటు ప్రాణాలతో చిరుత కొట్టుమిట్టాడిందని పలువురు వాపోయారు. చిరుతను కాపాడేందుకు దగ్గరికి వెళ్లేందుకు వాహనదారులు సాహసం చేయలేకపోయారు.
Similar News
News January 28, 2025
నెల్లూరు జిల్లాలో కల్లుగీత కులాల వారికి మద్యం షాపు వివరాలు
జిల్లాలో కల్లుగీత కులాల వారికి 18 మద్యం షాపు ఏర్పాటుకు ఉత్తర్వులు జారీ అయిన విషయం తెలిసిందే. జిల్లాలో నెల్లూరు, కావలి, కందుకూరు, ఆత్మకూరు మున్సిపాలిటీలు, కావలి, కందుకూరు, ఆత్మకూరు మండలాలు, గుడ్లూరు, కలువాయి, జలదంకి, సంగం, కలిగిరి, అనంతసాగరం, వింజమూరు, దుత్తలూరు, లింగసముద్రం, దగదర్తి, ఏఎస్ పేట మండలాలకు కేటాయించారు. దరఖాస్తుదారుడు కుల ధ్రువీకరణతో పాటు రెండు లక్షల రూపాయలు దరఖాస్తు చెల్లించాలన్నారు.
News January 28, 2025
నెల్లూరు: బాలికపై లైంగిక దాడి
బాలికపై లైంగిక దాడికి పాల్పడిన ఘటన వెంకటాచలం మండలంలో జరిగింది. కనుపూరు గ్రామానికి చెందిన కృష్ణవంశీ అనే యువకుడు ఆదే ఊరుకి చెందిన ఓ బాలిక(16)ను ప్రేమిస్తున్నానని, పెళ్లి చేసుకుంటానని చెప్పి లైంగిక దాడికి పాల్పడగా గర్భం దాల్చింది. అనంతరం బాలికకు టాబ్లెట్లు ఇచ్చి గర్భం తొలగింపజేశాడు. మళ్లీ లైంగిక దాడికి పాల్పడగా నిరాకరించడంతో దాడి చేశాడు. బాలిక పోలీసులకు ఫిర్యాదు చేయడంతో పోక్సో కేసు నమోదు చేశారు.
News January 28, 2025
నెల్లూరు: మద్యం షాపులకు దరఖాస్తుల ఆహ్వానం
కల్లుగీత కులాల నుంచి మద్యం షాపులకు దరఖాస్తు ఆహ్వానిస్తున్నట్లు నెల్లూరు జిల్లా ఎక్సైజ్ అండ్ ప్రొహిబిషన్ అధికారి శ్రీనివాసన్ నాయుడు ఒక ప్రకటనలో తెలిపారు. జిల్లాలో 18 మద్యం షాపులు కేటాయించారని ఫిబ్రవరి 5వ తేదీ సాయంత్రం ఐదు గంటల్లోగా జిల్లా ఎక్సైజ్ కార్యాలయంలో దరఖాస్తులు సమర్పించాలన్నారు. గౌడ -7, గౌడ్ – 6, గమళ్ల -4, గౌండ్ల -1 కేటగిరీగా నిర్ణయించినట్లు ఆయన తెలిపారు.