News January 28, 2026
నెల్లూరు: వ్యవసాయ కూలీ బిడ్డ.. డిప్యూటీ తహశీల్దార్గా ఎంపిక!
కృషి, పట్టుదల ఉంటే ఆకాశమే హద్దు అని నిరూపించాడు రాపూరు మండలం గోనుపల్లికి చెందిన బొడ్డు రవి. మంగళవారం విడుదలైన గ్రూప్-2 ఫలితాల్లో రవి డిప్యూటీ తహశీల్దార్గా ఎంపికయ్యారు. రైతు దంపతులు దశయ్య, రమాదేవిల కుమారుడైన రవి, ప్రస్తుతం ఏఎస్ పేటలో పంచాయతీ కార్యదర్శిగా పనిచేస్తున్నారు. ఎటువంటి కోచింగ్ తీసుకోకుండా, పనుల్లో తల్లిదండ్రులకు చేదోడుగా ఉంటూనే సొంతంగా చదివి ఈ విజయం సాధించడం విశేషం.
Similar News
News February 19, 2026
ఆత్మకూరులో నేడే మెగా జాబ్ మేళా
ఆత్మకూరు ప్రాంత నిరుద్యోగ యువతకు ఉద్యోగ కల్పన లక్ష్యంగా స్కిల్ డెవలప్మెంట్ సంస్థ ఆధ్వర్యంలో గురువారం మెగా జాబ్ మేళా నిర్వహించనున్నారు. 25 కంపెనీలు పాల్గొంటున్న ఈ మేళాలో 1400పైగా ఉద్యోగాలు లభించే అవకాశం ఉంది. ఆంధ్రా ఇంజినీరింగ్ కాలేజీ వద్ద జాబ్ మేళా జరగనుంది.
News February 19, 2026
ప్రభుత్వానికి కాకాణి సవాల్
ఇందాపూర్ డెయిరీ వ్యవహారంపై మండలిలో చర్చకు ప్రభుత్వం భయపడుతోందని మాజీ మంత్రి కాకాణి గోవర్ధన్ రెడ్డి అన్నారు. తాడేపల్లిలో ఆయన మాట్లాడుతూ.. టీటీడీ నిధులు హెరిటేజ్కు మళ్లించారనే అనుమానాలపై స్పష్టత ఇవ్వాలని డిమాండ్ చేశారు. కల్తీ నెయ్యి ముసుగులో చంద్రబాబు రాజకీయ కుట్ర చేశారని విమర్శించారు. రాష్ట్ర అప్పులు, 22–ఏ భూముల అంశాలపై చర్చకు సిద్ధమని, ప్రభుత్వం దమ్ముంటే ముందుకు రావాలని సవాల్ విసిరారు.
News February 19, 2026
నెల్లూరు: టన్నుల్లో కవర్లు.. దొరికేది కేజీల్లోనే
నెల్లూరులో ప్లాస్టిక్ నిషేధం ఎక్కడా అమలు కావడం లేదు. 120 మైక్రాన్ల కంటే తక్కువ ఉన్న ప్లాస్టిక్ కవర్లను నిషేధించినా విక్రయాలు ఆగడం లేదు. సిటీలో టన్నుల కొద్దీ ప్లాస్టిక్ నిల్వలు ఉన్నా అధికారులు మంగళవారం 400 కేజీలే పట్టుకోవడం గమనార్హం. విక్రయదారులకు రూ.1.40 లక్షల ఫైన్ వేశారు. కొండాల్ని తవ్వి ఎలుకను పడుతున్నట్టుగా అధికారుల తీరు ఉందని విమర్శిస్తున్నారు. కవర్ల తయారీ కంపెనీలపై దాడు చేయాలని కోరుతున్నారు.