News January 1, 2025
నేటి నుంచి యాదగిరిగుట్టలో ప్రత్యేక దర్శనాలు
యాదగిరిగుట్ట క్షేత్రానికి వచ్చే దివ్యాంగులు, వృద్ధులు, చంటిపిల్లల తల్లులకు నేటి నుంచి ప్రత్యేక దర్శనాలు కల్పిస్తున్నట్లు ఈవో భాస్కరరావు తెలిపారు. ఉదయం 11 గంటల నుంచి 11.30, సాయంత్రం 5 నుంచి 5.30 గంటల మధ్య దివ్యాంగులు, చంటిపిల్లలు, వృద్ధులకు ప్రత్యేక దర్శనానికి అవకాశం ఇస్తామన్నారు.
Similar News
News January 4, 2025
NLG: యాసంగి పంట సాగు వివరాలు
సంక్రాంతి నుంచి ప్రభుత్వం రైతు భరోసా ఇస్తుందని వార్తలు వస్తున్న సంగతి తెలిసిందే. సాగు చేసిన రైతులకే పంట పెట్టుబడి ఇస్తామని ప్రభుత్వం ప్రకటించింది. యాసంగి సీజన్‌లో నల్గొండ జిల్లాలో 5,83,406 ఎకరాల్లో వరి, ఇతర పంటలు సాగు కానున్నట్లు వ్యవసాయ అధికారులు అంచనా వేస్తున్నారు. సూర్యాపేట జిల్లాలో 4,78,147 ఎకరాల్లో, యాదాద్రి జిల్లాలో ఇప్పటివరకు 3,20,000 ఎకరాలు సాగవుతోందని అధికారుల లెక్కలు చెబుతున్నాయి.
News January 3, 2025
ఈనెల 10న శ్రీ లక్ష్మీనరసింహస్వామి ఉత్తర ద్వార దర్శనం
యాదగిరిగుట్ట శ్రీ లక్ష్మీ నరసింహస్వామి దేవస్థానంలో ఈనెల 10న వైకుంఠ ఏకాదశి పర్వదినం పురస్కరించుకుని శుక్రవారం ఉదయం 5:15 లకు స్వామివారి ఉత్తర ద్వార దర్శనం కల్పించుటకు ఏర్పాటు కొనసాగిస్తున్నారు. అలాగే ఐదు రోజులపాటు అధ్యాయనోత్సవాలు ఘనంగా నిర్వహిస్తున్నట్లు ఆలయ కార్యనిర్వాహణాధికారి భాస్కరరావు తెలిపారు.
News January 3, 2025
సిబ్బంది సమయపాలన పాటించాలి: జిల్లా వైద్యాధికారి డాక్టర్ కోటాచలం
సిబ్బంది విధుల పట్ల నిర్లక్ష్యం వహిస్తే చర్యలు తప్పవని, సమయపాలన పాటించాలని జిల్లా వైద్యాధికారి డాక్టర్ కోటాచలం అన్నారు. శుక్రవారం నాగారం మండల కేంద్రంలోని ప్రాథమిక ఆరోగ్య కేంద్రంలో సిబ్బందితో నిర్వహించిన సమావేశంలో పాల్గొని వారు మాట్లాడుతూ ప్రతిరోజు ఉదయం 9 నుంచి 3:30 వరకు వ్యాక్సినేషన్ నిర్వహించాలని, నిత్యం ప్రజలకు అందుబాటులో ఉంటూ వైద్య సేవలు అందించాలన్నారు.