News December 29, 2025
నేటి నుంచి యాప్ ద్వారా యూరియా పంపిణీ: విజయనిర్మల
మహబూబాబాద్ జిల్లా వ్యాప్తంగా నేటి నుంచి యాప్ ద్వారా యూరియా పంపిణీ జరుగుతుందని జిల్లా వ్యవసాయ అధికారిణి విజయనిర్మల తెలిపారు. వానాకాలం యూరియా పంపిణీలో రైతులు పడిన ఇబ్బందులను దృష్టిలో పెట్టుకొని రాష్ట్ర ప్రభుత్వం ఈ యాప్ రూపొందించిందని పేర్కొన్నారు. ప్లే స్టోర్ ద్వారా యూరియా బుకింగ్ యాప్ డౌన్లోడ్ చేసుకొని తమ ఫోన్ నంబర్తో లాగిన్ చేసుకోవాలన్నారు. పట్టా పాస్ బుక్ నంబర్ నమోదుతో యూరియా తీసుకోవా లన్నారు.
Similar News
News December 31, 2025
కృష్ణా: ముడా భూములకు రక్షణ ఏది.?
మచిలీపట్నం అర్బన్ డెవలప్మెంట్ అథారిటీ (MUDA) పరిధిలో అక్రమ మట్టి తవ్వకాలు కలకలం రేపుతున్నాయి. రాజకీయ ఒత్తిళ్లు, అవినీతిని భరించలేక ఛైర్మన్ పదవికి మట్టా ప్రసాద్ రాజీనామా చేయగా, ప్రస్తుతం ఆ పదవి కోసం తీవ్ర పోటీ నెలకొంది. ప్రకృతి వనరుల దోపిడీ జరుగుతున్నా అధికారులు పట్టించుకోవడం లేదని, ప్రభుత్వం స్పందించి ‘ముడా’ భూములను కాపాడాలని స్థానిక ప్రజలు కోరుతున్నారు.
News December 31, 2025
పల్నాడు: కొమ్మాలపాటి పయనం ఎటు.?
పల్నాడు TDP అధ్యక్షుడిగా మొన్నటి వరకు ఉన్న కొమ్మాలపాటి శ్రీధర్కు ఊహించని షాక్ తగిలిన విషయం తెలిసిందే. జిల్లా అధ్యక్షుడిగా ఆయనే కొనసాగుతారని అనుకున్న తమ్ముళ్లకు పార్టీ అధిష్ఠానం బిగ్ ట్విస్ట్ ఇచ్చింది. గతంలో పెదకూరపాడు టికెట్ ఆశించిన శ్రీధర్ను పక్కన పెట్టి అధిష్ఠానం భాష్యం ప్రవీణ్కు కట్టబెట్టగా.. శ్రీధర్కు అధ్యక్షుడి పదవి ఇచ్చారు. ప్రస్తుతం అది కూడా పోవడంతో శ్రీధర్ పయనం ఏంటనే చర్చ మొదలైంది.
News December 31, 2025
ఆదిలాబాద్: బాలుడి కిడ్నాప్
ADBలోని ఓ ప్రైవేట్ పాఠశాలలో చదువుతున్న విద్యార్థి కిడ్నాప్కు గురైన ఘటన ఆలస్యంగా వెలుగులోకి వచ్చింది. సీఐ సునీల్ ప్రకారం.. NRML జిల్లాకు చెందిన మాణిక్ రావు కొడుకు ADBలోని శ్రీరాంరెడ్డిలో చదువుతున్నాడు. ఈనెల 20న గుర్తుతెలియని వ్యక్తి బాబాయ్నని చెప్పి తీసుకెళ్లి, MHలోని వదోలిలో వదిలిపెట్టాడు. పాఠశాల నుంచి వెళ్లే సమయంలో అవుట్పాస్ వివరాలు నమోదు చేయకపోవడంపై తల్లిదండ్రుల ఫిర్యాదు మేరకు కేసు నమోదైంది.