News December 19, 2025
నేటి సామెత: ఉత్తగొడ్డుకు అరుపులు మెండు
ఈ సామెతలో ఉత్తగొడ్డు అంటే పాలివ్వని, పాలు లేని ఆవు (గొడ్డు ఆవు) అని అర్థం. పాలు ఇచ్చే ఆవు ఎప్పుడూ నిశ్శబ్దంగానే ఉంటుంది, కానీ పాలు లేని గొడ్డు ఆవు తరచుగా అరుస్తుంటుంది. అలాగే నిజమైన సామర్థ్యం గల వ్యక్తులు తమ పని తాము చేసుకుపోతారని.. పనికిరాని, పనితీరు సరిగాలేని అసమర్థులే ఎక్కువగా మాట్లాడుతూ తమ గొప్పలు చెప్పుకుంటారని ఈ సామెత తెలియజేస్తుంది.
Similar News
News December 21, 2025
కొత్త చీపురును ఎప్పుడు కొంటే ఉత్తమం?
చీపురును గౌరవించాలని మన శాస్త్రాలు చెబుతాయి. తద్వారా ఇంట్లో సంపద, సుఖశాంతులు పెరుగుతాయని నమ్మకం. కొత్త చీపురును మంగళ, గురు, శుక్ర, శనివారాల్లో కొంటే మంచిదని పండితుల వాక్కు. దీపావళి, ధన త్రయోదశి సమయాల్లో కొంటే మరింత శుభకరమని అంటున్నారు. చీపురును దక్షిణ/పడమర దిశలో, ఇతరులకు కనిపించని చోట పడుకోబెట్టి ఉంచాలని సూచిస్తున్నారు. తలకిందులుగా ఉంచితే అవమానించినట్లట. ఆర్థిక ఇబ్బందులు కలుగుతాయని చెబుతున్నారు.
News December 21, 2025
మళ్లీ ఇంగ్లండ్ ఓటమి.. సిరీస్ ఆసీస్ వశం
ఆస్ట్రేలియా గడ్డపై ఇంగ్లండ్ ఓటముల పరంపర కొనసాగుతోంది. మూడో టెస్టులోనూ ఆసీస్ 82 పరుగుల తేడాతో విజయం సాధించి మరో 2 టెస్టులు మిగిలి ఉండగానే యాషెస్ సిరీస్ను కైవసం చేసుకుంది. రెండో ఇన్నింగ్స్లో క్రాలీ(85), జేమీ స్మిత్(60), విల్ జాక్స్(47), కార్స్(39), రూట్(39) పరుగులు చేశారు.
స్కోర్లు: ఆసీస్ 371/10, 349/10; ఇంగ్లండ్ 286/10, 352/10
News December 21, 2025
శ్రీనిధి రకం కోళ్ల ప్రత్యేకత ఏమిటి?
శ్రీనిధి జాతి కోళ్లు గోధుమ రంగులో ఉంటాయి. నాటుకోడి గుడ్లకు సమానంగా ఈ కోడి గుడ్లు కూడా అధిక పోషకాలను కలిగి ఉంటాయి. ఈ కోళ్లు 5 నెలల వయసు నుంచే గుడ్లను పెట్టడం ప్రారంభిస్తాయి. ఏడాదికి 140 నుంచి 160 గుడ్లను పెడతాయి. అన్ని వాతావరణ పరిస్థితులను, కొన్ని రకాల వ్యాధులను తట్టుకొని జీవిస్తాయి. పొడవైన కాళ్లతో, ఆకర్షణీయంగా ఉంటాయి. పెరటికోళ్లు పెంచాలనుకునేవారికి శ్రీనిధి కోళ్లు కూడా అనుకూలమైనవి.