News December 28, 2024
నేడు కడపకు రానున్న పవన్ కళ్యాణ్
డిప్యూటీ సీఎం పవన్ కళ్యాణ్ శనివారం కడపకు రానున్నారు. వైసీపీ నాయకుల దాడిలో గాయపడి కడప రిమ్స్ ఆసుపత్రిలో చికిత్స పొందుతున్న గాలివీడు ఎంపీడీఓ జవహర్ బాబును ఆయన పరామర్శిస్తారు. మరోవైపు ఈ దాడి ఘటనపై పవన్ కళ్యాణ్ సీరియస్ అయ్యారు. దాడికి పాల్పడినవారిపై కఠిన చర్యలు తీసుకోవాలని అధికారులను ఆదేశించారు.
Similar News
News December 28, 2024
గుండెపోటుతో MLC రామచంద్రయ్య కుమారుడి మృతి
కడప జిల్లా టీడీపీ సీనియర్ నాయకుడు, ఎమ్మెల్సీ సి.రామచంద్రయ్య కుమారుడు విష్ణు స్వరూప్ గుండెపోటుతో మృతి చెందారు. మధ్యాహ్నం గుండె పోటుకు గురికాగా హైదరాబాదులోని అపోలో ఆసుపత్రికి తరలించారు. అప్పటికే మృతి చెందినట్లు వైద్యులు ధ్రువీకరించారు. ఈ ఘటనతో రామచంద్రయ్య ఇంట్లో విషాదం నెలకొంది.
News December 28, 2024
11 సీట్లు వచ్చినా దాడులు చేస్తుంటే ఉపేక్షించం: పవన్
YS జగన్ తన పార్టీ వర్గాలను నియంత్రించుకోవాలని పవన్ కళ్యాణ్ అన్నారు. 11 సీట్లు వచ్చినా ఇంకా దాడులు చేస్తుంటే మేము ఉపేక్షించమన్నారు. రాయలసీమ యువత ఇలాంటివి జరిగినప్పుడు ఎదుర్కోవాలని, మేము అండగా ఉంటామని నాయకులకు సైతం పవన్ భరోసానిచ్చారు. ఈరోజు మీరు భయపడటం వలనే జవహర్ బాబుపై దాడి జరిగిందన్నారు. పోలీసులే కాదు జనం కూడా ఇలాంటి వాటిపై స్పందించాలని, ఓట్లు వేసి పనైపోయిందని అనుకోకూడదన్నారు.
News December 28, 2024
పవన్ కళ్యాణ్ కడప పర్యటన వివరాలివే.!
పవన్ కళ్యాణ్ నేడు ఉమ్మడి కడప జిల్లాలో పర్యటించనున్నారు. YCP నాయకుల దాడిలో గాయపడ్డ గాలివీడు MPDOను ఆయన నేరుగా పరామర్శించనున్నారు. గన్నవరం నుంచి కడప ఎయిర్ పోర్టుకు 10:20amకి చేరుకొని, రిమ్స్ ఆసుపత్రిలో చికిత్స పొందుతున్న ఎంపీడీవోను 10:25కి పరామర్శిస్తారు. అనంతరం 10:55కి గాలివీడు చేరుకుని ఎంపీడీవో కార్యాలయాన్ని సందర్శిస్తారు. 2:30కి రాయచోటి చేరుకుని లంచ్ చేస్తారు. 4pmకి తిరిగి గన్నవరం వెళ్తారు.