News April 3, 2025
నేడు కర్నూలుకు వైఎస్‌ జగన్‌
వైసీపీ అధినేత, మాజీ సీఎం వైఎస్‌ జగన్‌ నేడు కర్నూలుకు రానున్నారు. ఉ.9.30 గంటలకు తాడేపల్లి నుంచి హెలికాప్టర్‌లో బయలుదేరి 11.30 గంటలకు కర్నూలుకు చేరుకుంటారు. అనంతరం నగర శివారులోని జీఆర్‌సీ కన్వెన్షన్‌ సెంటర్‌లో వైసీపీ నేత కోట్ల హర్షవర్దన్‌ రెడ్డి కుమార్తె వివాహ వేడుకల్లో పాల్గొంటారు. వధూవరులను ఆశీర్వదించిన తర్వాత జిల్లా నేతలతో సమావేశం కానున్నారు. మ.12.50 గంటలకు తాడేపల్లికి తిరుగుపయనం అవుతారు.
Similar News
News April 4, 2025
SKZR: ఇద్దరి బైండోవర్.. రూ.2లక్షల జరిమానా
కాగజ్నగర్ పట్టణానికి చెందిన యెనాం రాజు దేశీదారు అమ్ముతూ, ఈస్గం గ్రామానికి చెందిన సాయిరి రమేష్ బెల్లం రవాణ చేస్తూ పట్టుబడ్డారు. వారిపై ఎక్సైజ్ అధికారులు కేసు నమోదు చేసి కాగజ్నగర్ తహశీల్దార్ వద్ద బైండోవర్ చేశారు. కానీ మళ్లీ వారు దేశీదారు, బెల్లము అమ్ముతూ పట్టుబడగా కాగజ్నగర్ తహశీల్దార్ కిరణ్ ఆ ఇద్దరికీ రూ.లక్ష చొప్పున జరిమానా విధించినట్లు ఎక్సైజ్ సీఐ రవికుమార్ తెలిపారు.
News April 4, 2025
ఏప్రిల్ 4: చరిత్రలో ఈరోజు
1976: నటి సిమ్రాన్ జననం
1841: అమెరికా మాజీ అధ్యక్షుడు విలియం హెన్రీ హారిసన్ మరణం
1942: తెలుగు రచయిత్రి చల్లా సత్యవాణి జననం
1968: పౌరహక్కుల ఉద్యమకారుడు మార్టిన్ లూథర్ కింగ్ మరణం
1975: మైక్రోసాఫ్ట్ సంస్థ స్థాపించిన రోజు
గనుల అవగాహన దినోత్సవం
News April 4, 2025
నస్రుల్లాబాద్: చెరువులో మునిగి యువకుడి మృతి
కొల్లూర్ గ్రామానికి చెందిన అశోక్(19) అనే యువకుడు చేపలు పట్టేందుకు నస్రుల్లాబాద్ మండలం దుర్కి గ్రామ శివారులోని దొంతిరెడ్డి చెరువుకు వెళ్లాడు. ప్రమాదవశాత్తు చెరువులో పడి మృతి చెందాడని ఎస్ఐ తెలిపారు. మృతదేహం గురువారం నీటిపై తేలడంతో స్థానికుల సమాచారంతో ఘటనా స్థలాన్ని పరిశీలించారు. శవ పంచానామా నిర్వహించినట్లు ఎస్ఐ తెలిపారు. మృతుడి తండ్రి సాయిలు ఫిర్యాదు మేరకు కేసు నమోదు చేసినట్లు పోలీసులు చెప్పారు.