News March 30, 2024
నేడే కామారెడ్డిలో అవిశ్వాస తీర్మానం.. తీవ్ర ఉత్కంఠ..!
కామారెడ్డి మున్సిపల్ ఛైర్ పర్సన్ జాహ్నవి పై నేడే అవిశ్వాస పరీక్ష నిర్వహించనున్నారు. FEBలో 27మంది కాంగ్రెస్ కౌన్సిలర్లు జిల్లా కలెక్టర్‌కి అధ్యక్ష పదవిపై అవిశ్వాసం వ్యక్తం చేస్తూ ఫిర్యాదుచేయగా ఈనెల 30న బలపరీక్ష నిర్వహించాలని నిర్ణయించారు. అవిశ్వాసం నెగ్గాలంటే 34 మంది సభ్యుల మద్దతు అవసరం. ప్రస్తుతం కాంగ్రెస్ క్యాంపులో 36 మంది కౌన్సిలర్లు ఉన్నారు. ఏదేమైనా ఏం జరుగుతుందో అన్న దానిపై ఉత్కంఠ నెలకొంది.
Similar News
News January 31, 2025
NZB: పసుపుబోర్డు ఛైర్మన్‌గా బాధ్యతలు చేపట్టిన పల్లె గంగారెడ్డి
జాతీయ పసుపుబోర్డు ఛైర్మన్‌గా పల్లె గంగారెడ్డి శుక్రవారం ఢిల్లీలో అధికారికంగా బాధ్యతలు స్వీకరించారు. నిజామాబాద్ ఎంపీ అర్వింద్ ధర్మపురి సమక్షంలో ఆయన తొలి సంతకం చేయగా ఎంపీ ఆయనను అభినందించారు. పల్లె గంగారెడ్డి మాట్లాడుతూ.. కేంద్ర ప్రభుత్వ సహకారంతో పసుపు రైతుల సంక్షేమం కోసం పాటు పడతానని పేర్కొన్నారు.
News January 31, 2025
NZB: పట్టభద్రులు మేల్కోండి… నేడే చివరి రోజు
ఉమ్మడి నిజామాబాద్,కరీంనగర్, మెదక్, అదిలాబాద్ జిల్లా పట్టభద్రుల మండలి ఎన్నికల షెడ్యూల్ విడుదలైన విషయం తెలిసిందే. ఇప్పటికే పోటీ చేస్తామనుకున్న వారు క్షేత్ర స్థాయిలో ప్రచారం నిర్వహిస్తున్నారు. పట్టభద్రులను, ఉపాధ్యాయులను కలుస్తూ ఓటరుగా నమోదు చేసుకోవాలని సూచిస్తున్నారు. పట్టభద్రుల ఓటర్ నమోదుగా దరఖాస్తుల స్వీకరణ నేటితో ముగియనుంది. ఎమ్మెల్సీ ఎన్నికల ముందు ఓటర్ నమోదుకు ఇదే చివరి అవకాశం కానుంది.
News January 31, 2025
NZB: కన్న కొడుకును హత్య చేసిన తల్లి.. 10 ఏళ్ల జైలు శిక్ష
కన్న కొడుకును హతమార్చిన ఓ తల్లికి పదేళ్ల కఠిన కారాగార శిక్ష విధిస్తూ నిజామాబాద్ జడ్జి శ్రీనివాస్ గురువారం తీర్పునిచ్చారు. నిజామాబాద్ నాగారం శివార్లలో ఉండే లావణ్య 2023 మార్చి 29న మాక్లూర్ మండలం దాస్ నగర్ వద్ద ఉన్న నిజాంసాగర్ కెనాల్ వద్దకు తన కొడుకును తీసుకెళ్లి హత్య చేసింది. నేరం రుజువు కావడంతో లావణ్యకు పదేళ్ల కఠిన కారాగార శిక్ష విధిస్తూ జడ్జి తీర్పు చెప్పారని పోలీసులు తెలిపారు.