News July 31, 2024

పత్తి పంటను సందర్శించిన జిల్లా వ్యవసాయ అధికారి

కడప జిల్లా వ్యవసాయ అధికారి నాగేశ్వరరావు తాళ్ళపల్లి రైతు సేవా కేంద్ర పరిధిలోని పత్తి పంట పొలాలను సందర్శించారని, వేంపల్లె మండల వ్యవసాయ అధికారి రాజేంద్ర ప్రసాద్ తెలిపారు. ఇందులో భాగంగా మంగళవారం ప్రతి రైతుకు, రైతు సేవా కేంద్రంలో సిబ్బంది అందరికీ అందుబాటులో ఉండాలని, అలాగే ప్రతి రోజు పొలం పరిసరాలను సందర్శించాలని తెలిపారు. పొలాల్లో రైతు సందేహాలను నివృత్తి చేస్తూ, నూతన పంట పద్ధతులపై అవగాహన కల్పించారు.