News November 28, 2024
పరిశ్రమల స్థాపనకు ప్రోత్సాహం అందించాలి: కలెక్టర్ చేతన్
శ్రీ సత్య సాయి జిల్లాలో పరిశ్రమల స్థాపనకు ప్రోత్సాహం అందించాలని శ్రీ సత్య సాయి జిల్లా కలెక్టర్ టీఎస్ చేతన్ పేర్కొన్నారు. శనివారం కలెక్టరేట్ కార్యాలయంలో పరిశ్రమలు ఎగుమతి ప్రోత్సాహక కమిటీ సమావేశం నిర్వహించారు. ఈ సందర్భంగా కలెక్టర్ మాట్లాడుతూ.. అర్హులైన పారిశ్రామికవేత్తలకు రుణాలు మంజూరు చేయాలన్నారు. పరిశ్రమల స్థాపనకు వచ్చిన దరఖాస్తులను క్షుణ్ణంగా పరిశీలించాలన్నారు.
Similar News
News November 27, 2024
అనంతపురం: ఉప ముఖ్యమంత్రిని కలిసిన ఎంపీ అంబికా
ఢిల్లీలో ఉప ముఖ్యమంత్రి పవన్ కళ్యాణ్‌ ఎన్డీయే ఎంపీలకు విందు ఏర్పాటు చేశారు. ఈ విందు కార్యక్రమానికి అనంతపురం పార్లమెంట్ సభ్యులు అంబికా లక్ష్మీనారాయణ పాల్గొన్నారు. పవన్‌ను మర్యాద పూర్వకంగా కలిసి పుష్పగుచ్ఛాలు అందించి శుభాకాంక్షలు తెలిపారు. పార్లమెంట్ నియోజకవర్గంలోని నెలకొన్న పలు సమస్యలను పరిష్కరించాలని ఆయనకు వినతి పత్రం సమర్పించారు. కార్యక్రమంలో సహచర పార్లమెంట్ సభ్యులు పాల్గొన్నారు.
News November 27, 2024
నేమకల్లులో పింఛన్ పంపిణీ చేయనున్న సీఎం
అనంతపురం జిల్లా బొమ్మనహాల్ మండలం నేమకల్లు గ్రామంలో బుధవారం జిల్లా కలెక్టర్ డాక్టర్ వినోద్ కుమార్, రాయదుర్గం ఎమ్మెల్యే కాలువ శ్రీనివాసులు పర్యటించారు. ఈ నెల 30న సీఎం చంద్రబాబు నేమకల్లు గ్రామంలో నిర్వహించే ఎన్టీఆర్ భరోసా సామాజిక పెన్షన్ల పంపిణీలో పాల్గొంటారు. ఈ నేపథ్యంలో కలెక్టర్, ఎమ్మెల్యే, అధికారులు సీఎం పర్యటన ఏర్పాట్లను పరిశీలించారు. హెలీ ప్యాడ్, సభా ప్రాంగణం ఏర్పాట్లను పరిశీలించారు.
News November 27, 2024
ఆదినారాయణరెడ్డి, జేసీ తీరుపై సీఎం ఆగ్రహం!
జమ్మలమడుగు ఎమ్మెల్యే ఆదినారాయణరెడ్డి, తాడిపత్రి మున్సిపల్ ఛైర్మన్ జేసీ ప్రభాకర్ రెడ్డిల తీరుపై <<14720394>>సీఎం<<>> చంద్రబాబు అసంతృప్తి వ్యక్తం చేశారు. ఫ్లైయాష్ తరలింపు విషయంలో ఇరువురి మధ్య వివాదం నెలకొనడంతో జిల్లా అధికారుల నుంచి సీఎం వివరాలను తెలుసుకున్నారు. ప్రభుత్వానికి చెడ్డ పేరు తెచ్చేలా నేతల వ్యవహారం ఉందని ఆగ్రహం వ్యక్తం చేశారు. శాంతిభద్రతల సమస్య సృష్టించేలా వ్యవహరిస్తే సహించేది లేదని స్పష్టం చేశారు.