News February 7, 2026
పాక్కు వ్యాక్సిన్ కష్టాలు: భారత్తో పెట్టుకుంటే తప్పదు మరి!
భారత్తో సంబంధాలు చెడగొట్టుకుంటే ఎలా ఉంటుందో పాక్కు ఒక్కొక్కటిగా తెలిసొస్తోంది. 2025 మే నాటి సైనిక ఘర్షణల తర్వాత ఇండియా నుంచి వ్యాక్సిన్ల సరఫరా నిలిచిపోవడంతో ఆర్థికంగా భారం పడుతోందని స్వయంగా ఆ దేశ మంత్రి ముస్తఫా వెల్లడించారు. GAVI ద్వారా ఇండియా నుంచి తక్కువ ధరకే టీకాలు పొందిన పాక్ ఇప్పుడు ఏటా $400 మిలియన్లు వెచ్చిస్తున్నట్లు చెప్పారు. సొంతంగా వ్యాక్సిన్లు తయారు చేసుకోవడం వారికి తప్పేటట్లులేదు.
Similar News
News February 19, 2026
ఆత్మ గౌరవం కోసం కొన్ని మార్గదర్శకాలు
☛ నిన్ను దూరం పెట్టే వారికి దగ్గరవ్వాలని ప్రయత్నించకు.
☛నీ నిజాయితీని గుర్తించని చోట నీ విలువైన కాలాన్ని వృథా చేయకు.
☛ ఆత్మాభిమానాన్ని మించిన సంపద ఈ ప్రపంచంలో మరొకటి లేదని తెలుసుకో.
☛ మనస్ఫూర్తిగా పిలవని చోటుకి, అది ఎంత పెద్ద ఇల్లైనా వెళ్ళకు.
☛ నీది కాని దాని మీద, నిన్ను దహించేంత అతిగా ప్రేమను పెంచుకోకు.
News February 19, 2026
కాంగ్రెస్ బడ్జెట్ కూతురికి జన్మనివ్వడం లాంటిది: రాజస్థాన్ BJP ఎమ్మెల్యే
రాష్ట్ర బడ్జెట్ను కొడుకు, కూతురితో పోలుస్తూ రాజస్థాన్ BJP MLA బహదూర్ సింగ్ కోలి వివాదాస్పద వ్యాఖ్యలు చేశారు. ‘BJP ప్రభుత్వం 3 బడ్జెట్లలో కొడుకులకు జన్మనిచ్చింది. కానీ గత కాంగ్రెస్ బడ్జెట్ మాత్రం కూతురికి జన్మనివ్వడం లాంటిది. మాది యువకులకు ఉద్దేశించినది. కానీ కాంగ్రెస్ది వృద్ధాప్యానికి సంబంధించినది. కొడుకు అంటే ఉపయోగకరం. కాంగ్రెస్కు కొడుకు పుట్టలేదు. అందుకే ప్రతిపక్షంలో ఉంది’ అని సభలో అన్నారు.
News February 19, 2026
మా ఆయిల్ ఇండియా కొనదని US చెబితే నమ్మాలా: రష్యా
రష్యా క్రూడాయిల్ కొనుగోళ్లు ఆపేందుకు ఇండియా <<19145614>>ఒప్పుకుందని<<>> అమెరికా చెబుతున్న విషయం తెలిసిందే. ఈ క్రమంలో ఇండియా వైఖరి మార్చుకుందని తాము నమ్మడం లేదని రష్యా తెలిపింది. ‘మా హైడ్రోకార్బన్లను కొనడం 2 దేశాలకు ప్రయోజనం. అంతర్జాతీయ మార్కెట్లో స్థిరత్వాన్ని కొనసాగించడంలో సాయపడుతుంది’ అని రష్యా విదేశాంగ శాఖ ప్రతినిధి మరియా అన్నారు. US వాదనల్లో కొత్తదనం ఏమీ లేదని విమర్శించారు.