News March 26, 2025
పార్వతీపురం: బీసీ కులస్థులకు 90 శాతం సబ్సిడీతో పరికరాలు
ఆంధ్రప్రదేశ్ ప్రభుత్వం కుల వృత్తిదారులకు అవసరమయ్యే అత్యాధునిక పరికరాలను 90% సబ్సిడీతో రాష్ట్ర ప్రభుత్వం వెయ్యి కోట్లు బీసీల కోసం బడ్జెట్ కేటాయించిన విషయం తెలిసిందే. అయితే లబ్ధిదారులు నేరుగా వృత్తి పరికరాలను ఎంపిక చేసుకునే అవకాశం వినియోగించుకోవాలని బీసీ కార్పొరేషన్ ఈడీ ఆర్. గడ్డెమ్మ పార్వతీపురంలో జరిగిన సంక్షేమ సమీక్ష సమావేశంలో తెలిపారు. దరఖాస్తులను తమకు ఇవ్వాలని కోరారు.
Similar News
News November 29, 2025
ఫేక్ వీడియో కాల్స్‌తో మోసాలు: డీఎస్పీ
నకిలీ వీడియో కాల్స్‌తో సైబర్ మోసాలు జరుగుతున్నాయని పరిగి DSP శ్రీనివాస్ హెచ్చరించారు. తెలియని నంబర్ల నుంచి వీడియో కాల్స్ వస్తే స్పందించవద్దని ప్రజలకు సూచించారు. కొందరు వ్యక్తులు నగ్నంగా మాట్లాడి, ఆ దృశ్యాలను మార్ఫింగ్ చేసి బెదిరింపులకు పాల్పడుతున్నారని తెలిపారు. ఇలాంటి మోసాలకు భయపడకుండా వెంటనే స్థానిక పోలీసులను ఆశ్రయించాలని, సైబర్ ఫిర్యాదుల కోసం ‘1930’కు కాల్ చేయాలని కోరారు.
News November 29, 2025
రాష్ట్రంలో జోరుగా ధాన్యం కొనుగోళ్లు
తెలంగాణ వ్యాప్తంగా ధాన్యం కొనుగోళ్ల ప్రక్రియ వేగంగా సాగుతోంది. అన్ని జిల్లాల్లో వరి కోతలు ముమ్మరం సాగుతున్న తరుణంలో కొనుగోలు కేంద్రాలకు భారీగా ధాన్యం తరలివస్తోంది. రాష్ట్రంలో 8,361 ధాన్యం కేంద్రాలను ఏర్పాటు చేశారు. వీటికి ఇప్పటి వరకు 41.52 లక్షల టన్నుల ధాన్యం రాగా.. 35.96 లక్షల టన్నుల కొనుగోళ్లు జరిగాయి. ఈ ధాన్యానికి మద్దతు ధర, బోనస్ కలిపి రూ.6,688.63 కోట్లను విడుదల చేసినట్లు ప్రభుత్వం పేర్కోంది.
News November 29, 2025
KMR: సామాజిక తెలంగాణ సాధనే లక్ష్యం: కవిత
జాగృతి చీఫ్ కవిత దీక్ష దివస్ సందర్భంగా X వేదికగా ప్రత్యేక పోస్ట్ చేశారు. ఒక యోధుని దీక్ష అమరుల త్యాగం, యావత్ తెలంగాణ జాతికి మేలుకొలుపుగా, ఐక్యతా గీతంగా నిలిచిందని, ఉద్యమ స్ఫూర్తిని నింపిందని పేర్కొన్నారు. ఆ దీక్షే తెలంగాణ ఉద్యమాన్ని విజయపథం వైపు నడిపించిందని, రాష్ట్ర సాధనకు దారి దీపంగా మారిందని కవిత స్పష్టం చేశారు. భౌగోళిక తెలంగాణను సాధించుకున్నామని, తమ తదుపరి లక్ష్యం సామాజిక తెలంగాణ సాధనేనన్నారు.