News April 5, 2025
పార్వతీపురం: సెకండ్ గ్రేడ్ టీచర్ పరీక్షకు ఉచిత శిక్షణ

జిల్లాలో వెనుకబడిన తరగతులు, ఆర్థిక, బలహీన వర్గాల అభ్యర్థుల నుంచి సెకండ్ గ్రేడ్ టీచర్ పరీక్షకు ఉచిత శిక్షణ కోసం దరఖాస్తులను ఆహ్వానిస్తున్నామని జిల్లా వెనుకబడిన తరగతుల సంక్షేమ, సాధికారత అధికారి అప్పన్న శుక్రవారం ఒక ప్రకటనలో తెలిపారు. డీఎస్సీ పరీక్షకు ఆన్లైన్ ద్వారా శిక్షణా తరగతులను నిర్వహిస్తామన్నారు. నిరుద్యోగులు ఈ అవకాశాన్ని సద్వినియోగం చేసుకోవాలన్నారు.
Similar News
News April 5, 2025
జగిత్యాల: అంబేడ్కర్ జయంతి ఉత్సవాల వాల్ పోస్టర్ ఆవిష్కరణ

జగిత్యాల జిల్లా కేంద్రంలో ఈనెల 14 నిర్వహించే రాజ్యాంగ నిర్మాత అంబేద్కర్ జయంతి ఉత్సవాల వాల్ పోస్టర్ను SC, ఎస్టీ కమిషన్ ఛైర్మన్ వెంకటయ్య శనివారం ఆవిష్కరించారు. జయంతి ఉత్సవాలను విజయవంతం చేయాలని పిలుపునిచ్చారు. ఈ కార్యక్రమంలో ప్రభుత్వ విప్ అడ్లూరి లక్ష్మణ్ కుమార్, మాజీ ఎమ్మెల్సీ జీవన్ రెడ్డి, జిల్లా అడిషనల్ కలెక్టర్ బి ఎస్ లత, జిల్లా ఎస్పీ అశోక్ కుమార్, ఉత్సవాల కమిటీ జిల్లా ఛైర్మన్ భాస్కర్ ఉన్నారు.
News April 5, 2025
జగిత్యాల :పోలీస్ ప్రధాన కార్యాలయంలో డా.జాగ్జీవన్ జయంతి

జగిత్యాల జిల్లా పోలీస్ ప్రధాన కార్యాలయంలో జిల్లా ఎస్పీ అశోక్ కుమార్ ఆధ్వర్యంలో భారత మాజీ ఉప ప్రధానమంత్రి బాబు జాగ్జీవన్ జయంతిని నిర్వహించారు. ఈ సందర్బంగా ఆయన చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ.. స్వాతంత్ర్య సమరయోధులు, సంఘ సంస్కర్త సమానత్వ ఉద్యమానికి నిలువెత్తు ఉదాహరణగా నిలిచారన్నారు. భారత సమాజ నిర్మాణంలో తనదైన ముద్ర వేశారన్నారు.
News April 5, 2025
జగిత్యాల: బాబు జగ్జీవన్ రామ్ సేవలు చిరస్మరణీయం: ఎమ్మెల్యే

JGTL జిల్లా కేంద్రంలోని ఇందిరా భవన్లో స్వాతంత్ర్య సమరయోధుడు, బాబు జగ్జీవన్ రామ్ జయంతిని కాంగ్రెస్ ఆధ్వర్యంలో నిర్వహించారు. మాజీ మంత్రి జీవన్ రెడ్డి, ఎమ్మెల్యే లక్ష్మణ్ కుమార్ నివాళులు అర్పించారు. జీవన్ రెడ్డి మాట్లాడుతూ.. జగ్జీవన్ రామ్ వ్యవసాయ, రక్షణ రంగాల్లో కీలక సేవలు అందించారని, కార్మిక హక్కుల కోసం పోరాడారని అన్నారు. ఏడాదిలోగా జగిత్యాలలో విగ్రహం ఏర్పాటు చేస్తామని అడ్లూరి తెలిపారు.