News February 18, 2025
పాలకుర్తి నియోజకవర్గంలో 6 నూతన చెక్ డ్యాములు మంజూరు
పాలకుర్తి నియోజకవర్గ ఎమ్మెల్యే యశస్విని రెడ్డి వినతికి నీటిపారుదల శాఖ మంత్రి ఉత్తమ్ కుమార్ రెడ్డి స్పందించారు. పాలకుర్తి మండలంలో 3 గ్రామాలు, కొడకండ్ల మండలంలో 2 గ్రామాలు, తొర్రూరు మండలంలో 1 గ్రామానికి మొత్తం రూ.31 కోట్లతో 6 చెక్ డ్యాములను మంత్రి మంజూరు చేశారు. ఈ సందర్భంగా MLA రేవంత్ రెడ్డి, మంత్రి ఉత్తంకుమార్ రెడ్డి, ఇన్ఛార్జ్ మంత్రి పొంగులేటి శ్రీనివాస్ రెడ్డికి ప్రత్యేక ధన్యవాదాలు తెలిపారు.
Similar News
News February 21, 2026
బాపట్ల జిల్లాలో ఇంటర్ పరీక్షలు ఎంతమంది రాస్తున్నారంటే?
బాపట్ల జిల్లాలో ఈనెల 23 నుంచి ప్రారంభమయ్యే ఇంటర్మీడియట్ పరీక్షలకు అధికారులు అన్ని ఏర్పాట్లు పూర్తి చేశారు. మొదటి సంవత్సరం పరీక్షలకు 4,619 మంది బాలురు, 5,125 మంది బాలికలు హాజరుకానుండగా మొత్తం 9,744 మంది విద్యార్థులు పరీక్షలు రాయనున్నారు. రెండవ సంవత్సరం పరీక్షలకు 4,860 మంది బాలురు, 4,428 మంది బాలికలు కలిసి 9,288 మంది హాజరుకానున్నారు. మొత్తం జిల్లాలో 19,032 మంది విద్యార్థులు పరీక్షలకు సిద్ధమయ్యారు.
News February 21, 2026
నల్గొండలో పర్యాటకానికి మహర్దశ
నల్గొండ జిల్లాలోని పర్యాటకరంగం త్వరలోనే సరికొత్త రూపు సంతరించుకోనుంది. పర్యాటక ప్రాంతాల అభివృద్ధిపై కలెక్టర్ బి. చంద్రశేఖర్ ప్రత్యేక దృష్టి సారించారు. జిల్లాలో ఆదాయం పెరగడంతో పాటు ప్రాంతీయ అభివృద్ధిని వేగవంతం చేసేందుకు పలు కీలక ప్రాజెక్టులను ప్రతిపాదించారు. లతీఫ్ సాబ్ గుట్ట, కాపురాల గుట్టలపై రోప్వేల ఏర్పాటుతో పాటు డిండి ప్రాజెక్ట్ వద్ద బోటింగ్ సదుపాయాల విస్తరణ పనులు చేపట్టనున్నారు.
News February 21, 2026
ICAR-ఇండియన్ అగ్రికల్చరల్ రీసెర్చ్ ఇన్స్టిట్యూట్లో ఉద్యోగాలు
ICAR-ఇండియన్ అగ్రికల్చరల్ రీసెర్చ్ ఇన్స్టిట్యూట్ 3 రీసెర్చ్ అసోసియేట్, SRF పోస్టులను భర్తీ చేయనుంది. ఉద్యోగాన్ని బట్టి PhD, MTech(లైఫ్ సైన్సెస్), PG(జెనెటిక్స్/ప్లాంట్ బ్రీడింగ్/బయోటెక్నాలజీ/ లైఫ్ సైన్సెస్), NET, GATE అర్హతతో పాటు పనిఅనుభవం గలవారు మార్చి 12వరకు దరఖాస్తును ఈ మెయిల్ చేయాలి. RAకు గరిష్ఠ వయసు 40ఏళ్లు. SRFకు 35ఏళ్లు. ఇంటర్వ్యూ ద్వారా ఎంపిక చేస్తారు. సైట్: https://www.iari.res.in/