News December 14, 2025
పాలమూరు: మెస్సీ మీద ఉన్న ప్రేమ BCలపై లేదు: మాజీ మంత్రి
రేవంత్ రెడ్డికి ఫుట్బాల్ ఆటగాడు మెస్సీపై ఉన్నంత ప్రేమ బీసీల మీద లేదని మాజీ మంత్రి శ్రీనివాస్ గౌడ్ అన్నారు. తెలంగాణ భవన్లో ఏర్పాటు చేసిన విలేకరుల సమావేశంలో ఆయన మాట్లాడారు. బీసీ రిజర్వేషన్ల కోసం సాయి ఈశ్వర్ చారి ఆత్మహత్య చేసుకున్నా, రేవంత్ రెడ్డి వారి కుటుంబాన్ని పరామర్శించలేదన్నారు. నల్గొండ జిల్లాలో బీసీ వ్యక్తికి జరిగిన అవమానంపై విచారణ చేపట్టాలని ఆయన డిమాండ్ చేశారు.
Similar News
News December 14, 2025
సిరిసిల్లలో రేపు కేటీఆర్ పర్యటన
సిరిసిల్ల నియోజకవర్గంలో రేపు సోమవారం బీఆర్ఎస్ పార్టీ వర్కింగ్ ప్రెసిడెంట్ కేటీఆర్ పర్యటించనున్నారు. సిరిసిల్ల పట్టణంలోని తెలంగాణ భవన్లో ఉదయం 11.00 గంటలకు మొదటి విడుతలో వేములవాడ నియోజకవర్గం నుంచి గెలుపొందిన నూతన సర్పంచ్లు, రెండవ విడతలో గెలిచిన తంగళ్లపల్లి, ఇల్లంతకుంట, బోయినిపల్లి మండలాల సర్పంచ్ల సన్మాన కార్యక్రమంలో పాల్గొంటారు.
News December 14, 2025
ఉమ్మడి జిల్లాలో చిన్నచింతకుంటలో రిజల్ట్పై ఉత్కంఠ
చిన్నచింతకుంట మండలం గూడూరు గ్రామపంచాయతీ సర్పంచ్ ఎన్నికల్లో కాంగ్రెస్, కాంగ్రెస్ రెబల్ అభ్యర్థులందరికీ 280 ఓట్లు చొప్పున సమానంగా పోలయ్యాయి. రీకౌంటింగ్లోనూ మార్పు లేకపోవడంతో అధికారులు టాస్ (లాటరీ) ద్వారా విజేతను ప్రకటించేందుకు సిద్ధమయ్యారు. అయితే అభ్యర్థులు దానికి ఒప్పుకోకపోవడంతో ఫలితం ఇంకా ప్రకటన కాలేదు. మరోసారి కౌంటింగ్ లేదా టాస్తోనే నిర్ణయమవుతుందన్న ఉత్కంఠ గ్రామలతో నెలకొంది.
News December 14, 2025
సర్పంచ్ ఎన్నికలు.. ఏ పార్టీకి ఎన్ని సీట్లు అంటే?
TG: రెండో విడత పంచాయతీ ఎన్నికల కౌంటింగ్ కొనసాగుతోంది. రాత్రి 7 గంటల వరకు కాంగ్రెస్ మద్దతుదారులు 1,500కు పైగా, BRS 800, BJP 200 సీట్లలో విజయం సాధించారు. ఇతరులు 440 సర్పంచ్ స్థానాలు గెలుచుకున్నారు. అటు కేటీఆర్, హరీశ్ రావు సొంత నియోజకవర్గాలైన సిరిసిల్ల, సిద్దిపేటలో BRS అత్యధిక స్థానాలు గెలుచుకుంది. రెండో విడతలో 415 సర్పంచ్ స్థానాలు ఏకగ్రీవం కాగా మిగిలిన 3,911 పంచాయతీలకు ఎన్నికలు జరిగాయి.