News February 19, 2026

కడప: నేటి నుంచి రంజాన్.. ఉపవాస వేళలు

ముస్లింలకు అత్యంత పవిత్రమైన రంజాన్ మాసం నేటి నుంచి ప్రారంభంకానుంది. కడప జిల్లాలో నేటి ఉపవాస వేళలు ఇలా ఉన్నాయి.

☞ కడపలో ….

★ సహర్: ఉ.5-5.21

★ ఇఫ్తార్: సా.6.29

★ ఉపవాస కాలం: మొదటి రోజు సుమారు 13 గంటల పాటు ఉపవాసం ఉండాల్సి ఉంటుంది.

☞ నోట్: ప్రాంతాలను బట్టి వేళలు కొన్నినిమిషాలు మారొచ్చు.

News February 19, 2026

మదనపల్లెలో ఘటన.. సుమారు 50 మందిపై కేసు నమోదు

శాంతి భద్రతలకు విఘాతం కలిగించారని సుమారు 50 మందిపై కేసులు నమోదు చేసినట్లు మదనపల్లె DSP మహేంద్ర బుధవారం తెలిపారు. నీరుగట్టుపల్లిలో కుల వర్ధన్ చేతిలో ఏడేళ్ల చిన్నారి హత్యాచారానికి గురైన విషయం తెలిసిందే. బాధిత కుటుంబానికి మద్దతుగా ప్రజలు, ప్రజా ప్రతినిధులు, కులసంఘాల నేతలు ధర్నాలు, రాస్తారోకోలు నిర్వహించి ఆందోళనలు చేశారు. పోలీసుల అనుమతి తీసుకోకుండా ఆందోళనలు చేయడంతో కేసులు నమోదు చేశారు.

News February 19, 2026

బెండలో పేనుబంక వల్ల కలిగే నష్టాలేమిటి?

బెండ పంటను పేనుబంక పురుగులు ఆశిస్తే ఆకులు, రెమ్మల నుంచి రసాన్ని పీల్చేస్తాయి. దీని వల్ల మొక్కల ఎదుగుదలపై ప్రభావం పడి దిగుబడి గణనీయంగా తగ్గుతుంది. ఈ పేనుబంక పురుగులు ఆకులపై తేనె వంటి జిగురు పదార్థాన్ని స్రవిస్తాయి. దీని వల్ల నల్లటి బూజు తెగులు ఆశిస్తుంది. ఫలితంగా కిరణజన్య సంయోగక్రియకు అంతరాయం కలుగుతుంది. పేనుబంక తీవ్రత ఎక్కువగా ఉంటే ఆకులు ముడుచుకుపోయి, మొక్కలు బలహీనపడి చనిపోయే అవకాశం ఉంది.