News November 22, 2024
పీయూసీ ఎన్నికకు ఎమ్మెల్సీ రాం గోపాల్ రెడ్డి నామినేషన్
అసెంబ్లీ ప్రభుత్వ రంగ సంస్థల కమిటీ (పీయూసీ) సభ్యుల ఎన్నికకు ఎమ్మెల్సీ భూమి రెడ్డి రాం గోపాల్ రెడ్డి నామినేషన్ దాఖలు చేశారు. ఈయన 2023లో టీడీపీ నుంచి పశ్చిమ రాయలసీమ పట్టభద్రుల ఎన్నికల్లో విజయం సాధించారు. అంతేకాకుండా కడప జిల్లాలో టీడీపీ విజయానికి ఆయన కృషి చేశారు. ఇటీవల పులివెందులలో జగనన్న లేఅవుట్లలో అవినీతి జరిగిందని సీఎం చంద్రబాబు దృష్టికి తీసుకెళ్లారు.
Similar News
News November 22, 2024
జగన్‌ను ఒక్క సారైనా అసెంబ్లీకి రప్పించండి: ఎమ్మెల్యే ఆది
జగన్‌ అవినీతిలో ఎస్కోబార్‌ను కూడా దాటేశారని ఎమ్మెల్యే ఆదినారాయణ రెడ్డి ఆరోపించారు. ఇవాళ అసెంబ్లీలో ఆయన మాట్లాడుతూ.. ‘జగన్‌ను నేను దగ్గర నుంచి చూశా. అతను రాజశేఖర్ రెడ్డి హయాంలోనే రూ.లక్ష కోట్లు సంపాదించారు. ఇప్పుడు ఇంకా పెరిగిపోయి ఉంటుంది‘ అని తీవ్ర ఆరోపణలు చేశారు. అనంతరం ఆ జగన్‌ను ఒక్కసారైనా అసెంబ్లీకి రప్పించండి అని ఆదినారయణ రెడ్డి అనగానే సభ్యులతో పాటు సీఎం చంద్రబాబు సైతం నవ్వుకున్నారు.
News November 22, 2024
ఎమ్మెల్సీ రామసుబ్బారెడ్డి ప్రశ్న.. గందరగోళంగా మారిన సభ
వైసీపీ హయాంలో అమలు చేసిన ఈబీసీ నేస్తం లాంటి పథకాలు ఇప్పుడేమైనా ఇస్తారా? అని YCP ఎమ్మెల్సీ రామసుబ్బారెడ్డి శాసనమండలిలలో ప్రశ్నించారు. దీనిపై మంత్రి సవిత మాట్లాడుతూ.. ‘మేము అగ్రవర్ణ పేదల అభివృద్ధికి కృషిచేస్తున్నాం. వైసీపీ వారిని పట్టించుకోలేదు. బటన్ నొక్కడమే తప్ప ఉపాధి కల్పించలేదు. దీంతో గంజాయికి అలవాటు పడ్డారు’ అని అనడంతో YCP నేతలు తీవ్ర అభ్యంతరం తెలిపారు. దీంతో సభలో గందరగోళం ఏర్పడింది.
News November 22, 2024
కడప జిల్లాలో మైనర్ బాలికపై గ్యాంగ్ రేప్
కడప జిల్లా చింతకొమ్మదిన్నె మండలంలో బాలికపై గ్యాంగ్ రేప్ ఘటన ఆలస్యంగా వెలుగులోకి వచ్చింది. పోలీసుల వివరాల ప్రకారం.. బాలికను ఓ యువకుడు లోబర్చుకోవాలనుకున్నాడు. దానికి అతడి స్నేహితులు సహకరించారు. వారిలో ఇద్దరితో ఆ బాలిక మాట్లాడుతుండగా ఇంకొకడు వీడియో తీసి బెదిరించి అత్యాచారానికి పాల్పడ్డారు. అయితే బాలిక తండ్రి నిన్న మహిళా పోలీస్ స్టేషన్లో ఫిర్యాదు చేయగా.. విచారించి ముగ్గురిని అదుపులోకి తీసుకున్నారు.