News December 27, 2025
‘పుష్ప-2’ తొక్కిసలాట.. ఛార్జ్షీట్ దాఖలు
TG: గత ఏడాది ‘పుష్ప-2’ ప్రీమియర్ సందర్భంగా HYDలోని సంధ్య థియేటర్ వద్ద జరిగిన తొక్కిసలాట ఘటనపై చిక్కడపల్లి పోలీసులు ఛార్జ్షీట్ దాఖలు చేశారు. మొత్తం 23 మందిపై అభియోగాలు నమోదు చేశారు. ఏ-1గా సంధ్య థియేటర్ మేనేజ్మెంట్, ఏ-11గా అల్లు అర్జున్ను పేర్కొన్నారు. థియేటర్ యాజమాన్యం నిర్లక్ష్యంతోనే తొక్కిసలాట జరిగినట్లు నిర్ధారించారు. ఈ ఘటనలో రేవతి అనే మహిళ మరణించగా ఆమె కుమారుడు శ్రీతేజ్ తీవ్రంగా గాయపడ్డాడు.
Similar News
News December 28, 2025
శివాజీకి మహిళా కమిషన్ ప్రశ్నలివే..!
నిన్న మహిళా కమిషన్ శివాజీకి సంధించిన ప్రశ్నలు బయటకు వచ్చాయి.
*మహిళల డ్రెస్సింగ్ ఆధారంగా వారి వ్యక్తిత్వాన్ని అంచనా వేయడం రాజ్యాంగ స్ఫూర్తికి విరుద్ధం. ఇది మీకు తెలియదా?
*మీ కామెంట్స్ మహిళలపై దాడులు పెంచే విధంగా ఉన్నాయని ఫిర్యాదులొచ్చాయి. మీ సమాధానం?
>తాను మాట్లాడిన రెండు అసభ్యపదాలకు సారీ చెబుతున్నానన్న శివాజీ.. <<18646239>>మిగతా<<>> స్టేట్మెంట్కు కట్టుబడి ఉన్నట్లు చెప్పారని సమాచారం.
News December 28, 2025
కాంగ్రెస్ ఆవిర్భావ దినోత్సవం.. రేవంత్ విషెస్
TG: కాంగ్రెస్ పార్టీ నాయకులు, కార్యకర్తలకు సీఎం రేవంత్ రెడ్డి పార్టీ ఆవిర్భావ దినోత్సవ శుభాకాంక్షలు చెప్పారు. ‘భారతదేశ స్వాతంత్ర్య సంగ్రామ మహారథి. జాతి నిర్మాణ సారథి. ప్రజాస్వామ్య ఆకాంక్షల వారధి. పేదల ఆకలి తీర్చిన పెన్నిధి. 140 కోట్ల భారతీయుల ప్రతినిధి. 141 ఏళ్ల సుదీర్ఘ ప్రయాణం. కార్యకర్తల చెమట చుక్కలే సిరా చుక్కలై రాసిన చరిత్ర కాంగ్రెస్’ అని ట్వీట్ చేశారు.
News December 28, 2025
మిరపలో ఆకుముడత నివారణకు చర్యలు
మిరప నారును పొలంలో నాటిన 15 రోజుల తర్వాత ప్రతి 2 వారాలకు ఒకసారి లీటరు నీటికి థయామిథాక్సామ్ 0.3గ్రా, ఎసిటామిప్రిడ్ 0.2 గ్రా., పిప్రోనిల్ గ్రాన్యూల్స్ 0.2 గ్రా, పెగాసస్ 1.5mlలలో ఏదో ఒక మందును కలిపి పిచికారీ చేయాలి. వీటితో పాటు 10,000 ppm వేప మందును లీటరు నీటికి 2ml కలిపి స్ప్రే చేయాలి. ముడత వలన బలహీనపడ్డ మొక్కలకు లీటరు నీటికి 2 గ్రాముల ఫార్ములా- 4 మరియు 19:19:19ను నెల రోజులకు ఒకసారి స్ప్రే చేయాలి.