News August 21, 2025
పెండింగ్‌ చలాన్లు చెల్లించకపోతే వాహనం సీజ్: వరంగల్‌ CP
వాహనాలపై పెండింగ్‌లో ఉన్న ట్రాఫిక్ చలాన్లను వెంటనే చెల్లించాలని వరంగల్‌ CP సన్ ప్రీత్ సింగ్ వాహనదారులకు సూచించారు. ఒకవేళ చెల్లించకపోతే, పోలీసులు రోడ్డుపై వాహనాలను నిలిపివేసి, అక్కడే పెండింగ్‌ చలాన్లను క్లియర్ చేయిస్తారు.. అలా క్లియర్ చేయని పక్షంలో, ఆ వాహనాలను సీజ్ చేసి పోలీస్ స్టేషన్‌కు తరలిస్తారని CP స్పష్టం చేశారు. కమిషనరేట్ పరిధిలో మొత్తం 1,27,194 వాహనాలపై 11,71,094 చలాన్లు పెండింగ్‌లో ఉన్నాయి.
Similar News
News August 21, 2025
సోషల్ మీడియాకు దూరంగా ఉండండి: కలెక్టర్
విద్యార్థులు సోషల్ మీడియాకు దూరంగా ఉండాలని చిత్తూరు జిల్లా కలెక్టర్ సుమిత్ కుమార్ సూచించారు. సావిత్రమ్మ డిగ్రీ కళాశాలలో హాస్టల్ నిర్మాణానికి ఆయన గురువారం భూమిపూజ చేశారు. తల్లితండ్రుల కలను నెరవేర్చడమే విద్యార్థుల లక్ష్యమన్నారు. ఓ టార్గెట్ పెట్టుకుని దానిని సాధించడానికి కృషి చేయాలని సూచించారు. పూతలపట్టు ఎమ్మెల్యే మురళీమోహన్ మాట్లాడుతూ.. విద్యపై చేసే ఖర్చు ఎప్పటికీ వృథా కాదన్నారు.
News August 21, 2025
అప్పర్, మిడ్ మానేరు డ్యాంల ప్రస్తుత నీటి వివరాలు
అప్పర్ మానేరు ప్రాజెక్టు పూర్తిస్థాయి 1,482.50 అడుగులకు చేరి 2.00 టీఎంసీలతో నిండి ఉంది. 2,202 క్యూసెక్కుల ఇన్‌ఫ్లో రావడంతో అంతమొత్తాన్ని స్పిల్‌వే ద్వారా విడుదల చేస్తున్నారు. మిడ్ మానేరు జలాశయం 312.58 మీటర్ల వద్ద 15.63 టీఎంసీల నీరు నిల్వ ఉంది. 18,380 క్యూసెక్కుల ప్రవాహం రాగా, 3,310 క్యూసెక్కుల నీటిని ప్యాకేజీల ద్వారా విడుదల చేస్తున్నామని అధికారులు గురువారం ఉదయం తెలిపారు.
News August 21, 2025
ఏలూరు: వరద ముప్పు.. మూటాముళ్లే సర్దుకొని పయనం
ఏలూరు జిల్లా కుక్కునూరు, వేలేరుపాడు ఏజెన్సీ మండలాల్లో గోదావరి వరద ఉధృతి పెరగడంతో ప్రజలు భయాందోళనలో ఉన్నారు. కలెక్టర్ వెట్రిసెల్వి పరిస్థితిని పరిశీలిస్తూ, ముంపు ప్రభావిత కుటుంబాలను సురక్షిత ప్రాంతాలకు తరలించాలని అధికారులను ఆదేశించారు. ఇప్పటికే రేపాకుగోమ్ము గ్రామంలో నిర్వాసితులను అధికారులు పునరావాస కేంద్రాలకు తరలిస్తున్నారు. పంట పొలాలు, రహదారులు, వంతెనలు నీటమునిగిపోవడంతో రాకపోకలు నిలిచిపోయాయి.