News March 13, 2025
పెద్దపల్లి: దివ్యాంగులకు విజ్ఞప్తి అప్లై UDID కార్డు
ప్రతీ దివ్యాంగునికి యూనిక్ డిసెబిలిటీ ఐడి నంబర్ జారీ గురించి PDPL జిల్లా కలెక్టర్ కోయ శ్రీ హర్ష అధికారులతో సమీక్ష నిర్వహించారు. సదరం క్యాంపులు సజావుగా జరుగడానికి మౌలిక సదుపాయాలు కల్పించాలన్నారు. UDID కార్డులు ఇతర రాష్ట్రాల్లో కూడా పనిచేస్తాయన్నారు. అధికారులు దివ్యాంగులకు అవగాహన కల్పించి మీసేవాలో బుక్ చేసుకునేలా చర్యలు తీసుకోవాలన్నారు. దరఖాస్తులు పరిశీలించి పోస్టులో కార్డులు పంపాలని ఆదేశించారు.
Similar News
News February 20, 2026
విశాఖలో ఇంటర్ పరీక్షలకు సర్వం సిద్ధం
విశాఖలో ఫిబ్రవరి 23 నుంచి ప్రారంభం కానున్న ఇంటర్ పరీక్షలకు పటిష్ఠ ఏర్పాట్లు చేయాలని జాయింట్ కలెక్టర్ గొబ్బిళ్ల విద్యాధరి అధికారులను ఆదేశించారు. జిల్లాలోని 85 కేంద్రాల్లో 81,001 మంది విద్యార్థులు పరీక్ష రాయనున్నారు. కేంద్రాల వద్ద 144 సెక్షన్ అమలుతో పాటు తాగునీరు, వైద్య శిబిరాలు, అదనపు బస్సుల సౌకర్యం కల్పించాలని ఆమె సూచించారు. పొరపాట్లు జరగకుండా పరీక్షలను విజయవంతం చేయాలని జేసీ స్పష్టం చేశారు.
News February 20, 2026
NKD: పోలీస్ స్పోర్ట్స్ మీట్లో మెరిసిన సాజిద్
హైదరాబాద్లో జరుగుతున్న 4వ పోలీస్ స్పోర్ట్స్ మీట్లో నారాయణఖేడ్ క్రీడాకారుడు అబ్దుల్ సాజిద్ సత్తా చాటారు. బ్యాడ్మింటన్ సింగిల్స్ విభాగంలో రేంజ్-1 తరపున పాల్గొని కాంస్య పతకం సాధించారు. ఐజీపీ గజరావ్ భూపాల్ చేతుల మీదుగా ఆయన బహుమతి అందుకున్నారు. సాజిద్ విజయంపై 4వ బెటాలియన్ కమాండెంట్ శివప్రసాద్ రెడ్డి, ఏసీ శ్రీధర్ రాజా అభినందనలు తెలిపారు.
News February 20, 2026
పెద్దపల్లి: అగ్నివీర్ కోసం 90 రోజుల ఉచిత శిక్షణ
పెద్దపల్లి జిల్లాలో అగ్నివీర్ నియామకాల కోసం యువతకు 90 రోజుల ఉచిత శిక్షణ అందిస్తున్నట్లు కలెక్టర్ కోయ శ్రీహర్ష తెలిపారు. ఫిజికల్ ట్రైనింగ్, రాత పరీక్ష కోచింగ్, మెడికల్ అవగాహన, స్టడీ మెటీరియల్ సదుపాయాలు కల్పిస్తారు. 17.5-22 ఏళ్ల మధ్య, 10వ తరగతి ఉత్తీర్ణులైన పురుషులు ఫిబ్రవరి 23లోపు రుద్రమదేవి స్టేడియంలో ఉదయం 6-8 గంటల మధ్య నమోదు చేసుకోవాలి. ఎంపికైన వారికి మార్చి 1 నుంచి మే 31 వరకు శిక్షణ ఉంటుంది.