News November 10, 2025

పెద్దపల్లి: విషాదం.. బావిలో పడి యువకుడు మృతి

PDPL(D) కాల్వశ్రీరాంపూర్ మండలం తారుపల్లికి చెందిన సూరం శ్యాంరాజ్(24) బావిలో పడి మృతి చెందాడు. వివరాలు.. ఆదివారం సాయంత్రం ఇంటి నుంచి బయటకు వెళ్లిన శ్యాంరాజ్ ఎంతకీ తిరిగి రాకపోవడంతో కుటుంబ సభ్యులు గాలింపు చర్యలు చేపట్టారు. ఈ క్రమంలో సోమవారం ఉదయం గ్రామ శివారులోని బావిలో శ్యాంరాజ్ మృతదేహం కనిపించింది. దీంతో తారుపల్లిలో విషాదం నెలకొంది. సమాచారం అందుకున్న పోలీసులు కేసు నమోదు చేసి దర్యాప్తు చేస్తున్నారు.