News October 27, 2025
పెద్దపల్లి: 5 రోజుల్లో పెళ్లి.. అంతలోనే విషాదం..!
ఇన్‌స్టాగ్రాంలో పరిచయమయ్యారు. ఈ నెలాఖరుతో యువతికి మైనరిటీ తీరనుంది. NOV 1న ప్రేమించినవాడిని పెళ్లి చేసుకోవాలనుకుంది. ఇందుకోసం నెలముందే ప్రియుడి ఇంటికొచ్చిఉంది. ఈ క్రమంలో పెళ్లికిముందు నదీస్నానం ఆచరించాలని ప్రేమజంట గోదావరిలోకి దిగింది. ఈ క్రమంలో వారిద్దరు ప్రమాదవశాత్తు గల్లంతయ్యారు. జాలర్లు గోదావరిఖనికి చెందిన రవితేజ(22)ను ప్రాణాలతో కాపాడగా.. PDPL(M)వాసి మౌనిక(17)ను ఒడ్డుకు చేర్చేసరికి మరణించింది.
Similar News
News October 27, 2025
నల్గొండ: మహిళలకు గుడ్ న్యూస్
నల్గొండ శివారు రాంనగర్‌లోని SBI గ్రామీణ స్వయం ఉపాధి శిక్షణ సంస్థలో గ్రామీణ నిరుద్యోగ స్త్రీలకు టైలరింగ్‌లో 31 రోజుల ఉచిత శిక్షణ ఇస్తున్నామని సంస్థ డైరెక్టర్ రఘుపతి తెలిపారు. శిక్షణలో ఉచిత టూల్ కిట్, భోజనం వసతి, షెల్టర్ ఇస్తామన్నారు. 18 సం. నుంచి 45 లోపు ఉమ్మడి నల్గొండకు చెందిన వారు అర్హులన్నారు. ఆసక్తి గల వారు అక్టోబర్ 29 వరకు దరఖాస్తు చేసుకోవాలని సూచించారు.
News October 27, 2025
విజయవాడ: తుపాను ప్రభావంపై కలెక్టరేట్‌లో సమీక్ష
కలెక్టర్ లక్ష్మీశా, సీపీ రాజశేఖర్‌బాబుతో పాటు వివిధ శాఖల అధికారులు సోమవారం తుపాను అప్రమత్తతపై సమీక్ష సమావేశం నిర్వహించారు. తుపాను ప్రభావం తగ్గేవరకు వరి, పత్తి, మినుము, పెసర కోతలు చేయొద్దని కలెక్టర్ రైతులకు విజ్ఞప్తి చేశారు. కలెక్టరేట్‌తో పాటు డివిజన్, మండలం స్థాయిలోనూ కంట్రోల్ రూమ్‌లు ఏర్పాటు చేశారు. అన్ని శాఖల సమన్వయంపై కలెక్టర్ చర్చలు జరిపారు.
News October 27, 2025
సీఎంతో ఫోన్‌లో మాట్లాడిన ప్రధాని మోదీ
AP: రాష్ట్రానికి మొంథా తుఫాను ముప్పు ఉన్న నేపథ్యంలో CM CBNతో PM మోదీ ఫోనులో మాట్లాడి వివరాలు అడిగి తెలుసుకున్నారు. అనంతరం PMOతో సమన్వయం చేసుకోవాలని మంత్రి లోకేశ్‌కు CM సూచించారు. వర్షాలు, వరదలకు అవకాశం ఉన్న ప్రాంతాల్లో ముందస్తు చర్యలు తీసుకోవాలన్నారు. కాల్వ గట్లు పటిష్ఠం చేసి పంట నష్టం జరగకుండా చూడాలని ఆదేశించారు. ఈ మేరకు నిర్వహించిన సమీక్షలో మంత్రులు లోకేశ్, అనిత, CS తదితరులు పాల్గొన్నారు.