News September 7, 2024
పెద్దారవీడు వద్ద రోడ్డు ప్రమాదం.. మానవత్వం చాటుకున్న SP
పెద్దారవీడు మండలం దేవరాజుగట్టు వద్ద వినాయక విగ్రహంతో వెళ్తున్న దేసిరెడ్డిపల్లి <<14041015>>ట్రాక్టర్‌ను లారీ ఢీకొంది.<<>> ఈ ఘటనలో 11 మందికి గాయాలు కాగా ఆ గ్రామంలో పండుగ వేళ విషాద ఛాయలు అలుముకున్నాయి. విషయం తెలుసుకున్న SP చలించిపోయారు. దీంతో గ్రామస్థుల్లో బాధను పోగొట్టడానికి ఎస్పీ దామోదర్ స్వయంగా వారితో మాట్లాడి, మరో విగ్రహాన్ని పంపించారు. దీంతో గ్రామంలో తిరిగి ఆనందం నింపారని పలువురు SPని అభినందిస్తున్నారు.
Similar News
News September 29, 2024
పోలీస్ సిబ్బంది ఆరోగ్య సంరక్షణే ధ్యేయం: ప్రకాశం ఎస్పీ
పోలీస్ సిబ్బంది ఆరోగ్య సంరక్షణే తమ ధ్యేయమని ఎస్పీ దామోదర్ పేర్కొన్నారు. ఒంగోలు కిమ్స్ హాస్పిటల్స్ సహకారంతో శనివారం జిల్లా పోలీస్ కళ్యాణ మండపంలో పోలీసు అధికారులకు ఉచిత మెగా మెడికల్ క్యాంపు నిర్వహించారు. ఈ క్యాంపులో వివిధ విభాగాలకు చెందిన నిపుణులైన డాక్టర్లచే 474 మందికి పలు వైద్య పరీక్షలు నిర్వహించి, చికిత్స చేసి ఉచితంగా మందులు అందించారు.
News September 28, 2024
ప్రకాశం: అక్టోబర్ 1న పెన్షన్ పంపిణీ చేయండి: కలెక్టర్
వచ్చే నెల 1వ తేదీన ఉదయం 5 గంటల నుంచే ఎన్.టి.ఆర్. భరోసా పెన్షన్ల పంపిణీ ప్రక్రియ ప్రారంభించాలని కలెక్టర్ తమీమ్ అన్సారియా స్పష్టం చేశారు. పెన్షన్ల పంపిణీపై డీఎల్‌డీఓలు, అన్ని మండలాల ఎంపీడీవోలు, మండల స్పెషల్ ఆఫీసర్లతో ఆమె వీడియో కాన్ఫరెన్స్ నిర్వహించారు. అక్టోబరు 2వ తేదీ మహాత్మా గాంధీజీ జయంతి ప్రభుత్వ సెలవు దినము కావున 1వతేదీనే పెన్షన్ల పంపిణీ పూర్తి చేసేలా చర్యలు తీసుకోవాలని ఆదేశించారు.
News September 28, 2024
పొదిలి: జిల్లాస్థాయి వాలీబాల్ పోటీలకు విద్యార్థులు ఎంపిక
మార్కాపురంలో ఈ నెల 25న జరిగిన నియోజకవర్గం స్థాయి స్కూల్ గేమ్స్‌లో పొదిలి విద్యార్థులు పాల్గొని సత్తా చాటారు. వాలీబాల్ అండర్ -17, అండర్-14 విభాగంలో విజయం సాధించి జిల్లా వాలీబాల్ టీంకి అండర్ -17లో పి. చరణ్, డి. హర్షవర్ధన్ పి. బ్రహ్మ చరణ్, అండర్ -14 విభాగంలో ఏ.సాత్విక్, వ. జీవన్ చందులు ఎంపికైనట్లు ఆ పాఠశాల పీడీ కె. స్టీఫెన్ తెలిపారు. ఎంపికైన విద్యార్థులకు అభినందనలు తెలిపారు.