News October 13, 2024
పైడితల్లి అమ్మవారి జాతరకు పటిష్ఠ ఏర్పాట్లు: విద్యుత్ శాఖ
జిల్లా కేంద్రం విజయనగరం పైడితల్లి అమ్మవారి జాతర మహోత్సవం, సిరిమాను ఉత్సవాల సందర్భంగా ఎటువంటి విద్యుత్ అంతరాయం కలగకుండా పటిష్ఠ ఏర్పాట్లు చేశామని విద్యుత్ శాఖ సూపరింటెండెంట్ ఇంజినీర్ మువ్వల లక్ష్మణరావు తెలిపారు. ముఖ్యమైన ప్రదేశాల్లో సిబ్బందికి బాధ్యతలు అప్పగించామని, విద్యుత్ సమస్యలకు 94408 12449, 55, 65, 66 నంబర్లకు గానీ, 1912 టోల్ ఫ్రీ నంబర్‌కు గాని తెలియజేయాలని కోరారు.
Similar News
News November 23, 2024
డిసెంబర్ 9లోగా క్లెయిమ్ చేసుకోవాలి: కలెక్టర్ అంబేడ్కర్
ఉత్తరాంధ్రా ఉపాధ్యాయ నియోజకవర్గానికి సంబంధించి ఓటర్ల జాబితాలో క్లెయిమ్స్, అభ్యంతరాలను డిసెంబర్ నెల 9 లోగా సమర్పించవలసి ఉంటుందని కలెక్టర్ అంబేడ్కర్ తెలిపారు. శనివారం తన ఛాంబర్‌లో రాజకీయ పక్షాల ప్రతినిధులతో సమావేశం నిర్వహించారు. ఉపాధ్యాయ నియోజకవర్గానికి సంబంధించి డ్రాఫ్ట్ రోల్ ప్రచురణ నవంబర్ 23న జరుగుతుందని, డిసెంబర్ 9 లోగా క్లెయిమ్స్ , అభ్యంతరాలను స్వీకరించనున్నట్లు పేర్కొన్నారు.
News November 23, 2024
VZM: సంక్రాంతి నాటికి జిల్లాలో గుంతలు లేని రోడ్లు
విజయనగరం జిల్లాకు 176 రోడ్ల పనులు మంజూరయ్యాయి. రూ.23.51 కోట్ల‌తో ఈ ప‌నులను R&B శాఖ చేప‌డుతుంది. ఇందులో భాగంగా 750 కిలోమీట‌ర్ల రోడ్ల‌కు మ‌ర‌మ్మ‌తులు జరగనున్నాయి. తొలివిడ‌త‌లో 68 పనులకు రూ.10.54 కోట్ల నిధులు విడుదలయ్యాయి. వీటిలో ఇప్పటికే 61 పనులకు టెండ‌ర్లు ఖ‌రారయ్యాయి. సంక్రాంతి నాటికి పనులు పూర్తి చేసేందుకు అధికారులు లక్ష్యంగా పెట్టుకున్నారు. మరి మీ ప్రాంతంలో ఎలా ఉన్నాయో కామెంట్ చేయండి.
News November 23, 2024
విజయనగరం: మొదట ప్రేమ.. ఆపై చీటింగ్
మహిళను మోసం చేసిన వ్యక్తిని అరెస్ట్ చేసినట్లు విజయనగరం DSP శుక్రవారం తెలిపారు. గంట్యాడలోని కిర్తిబర్తికి చెందిన వెంకట సత్యం ఓ కళాశాలలో ఫ్యాకల్టీగా చేసేవాడు. అదే కళాశాలలో ఫ్యాకల్టీగా ఉన్న దళిత మహిళకు ప్రేమ పేరుతో దగ్గరై శారీరకంగా వాడుకుని పెళ్లికి నిరాకరించారు. దీంతో ఆ మహిళ పోలీసులను ఆశ్రయించింది. పోలీసులు అతడిని గురువారం అరెస్ట్ చేసి కోర్టులో హాజరుపరచగా రిమాండ్ విధించినట్లు తెలిపారు.