News April 16, 2024
ప్రకాశం జిల్లాలో ఓటు నమోదుకు 8,320 దరఖాస్తులు
ప్రకాశం జిల్లాలో వచ్చే నెల 13న జరగనున్న ఎన్నికల్లో ఓటు హక్కు కోసం దరఖాస్తుల స్వీకరణ ముగిసింది. ఈ క్రమంలో జిల్లాలోని 8 నియోజకవర్గాల నుంచి ఓటు హక్కు నమోదు కోసం 8,320 దరఖాస్తులు వచ్చాయని ఎన్నికల అధికారులు తెలిపారు. వీటిని నియోజకవర్గ రిటర్నింగ్ అధికారులు పరిశీలించి సంబంధిత బిఎల్ఓ‌లకు పంపారు. వారం రోజుల్లో ఓటు హక్కు నమోదు కోసం వచ్చిన దరఖాస్తులను విచారణ చేసి అర్హత ఉంటే ఓటు హక్కు కల్పించనున్నారు.
Similar News
News October 8, 2025
ప్రకాశం: ‘రెవెన్యూ అంశాలకు ప్రాధాన్యత ఇవ్వాలి’
రెవెన్యూ అంశాల ప్రజా సేవల పనితీరుపట్ల ప్రజలు పూర్తి సంతృప్తి వ్యక్తం చేసేలా ప్రత్యేక దృష్టి సారించాలని సీసీఎల్ఏ ప్రత్యేక కార్యదర్శి జయలక్ష్మి మంగళవారం జిల్లా కలెక్టర్లకు సూచించారు. విజయవాడ సీసీఎల్ఏ కార్యాలయం నుంచి అన్నదాత సుఖీభవ, పట్టాదారు పాసు పుస్తకాల పంపిణీ, పలు అంశాలపై వీడియో కాన్ఫరెన్స్ నిర్వహించారు. దీనికి కలెక్టర్ రాజాబాబు హాజరై జిల్లాకు సంబంధించిన సమాచారాన్ని వివరించారు.
News October 8, 2025
పొదిలి: షాప్‌లోకి దూసుకెళ్లిన కారు.!
పొదిలి పట్టణంలోని పాత పోస్ట్ ఆఫీస్ సమీపంలో మంగళవారం రోడ్డు ప్రమాదం చోటుచేసుకుంది. ఓ వ్యక్తి కారులో ఓవర్ స్పీడ్‌తో వచ్చి క్లోజ్ చేసిన హోటల్లోకి దూసుకెళ్లాడు. ఆ సమయంలో ఎవరు అక్కడ లేకపోవడంతో పెను ప్రమాదం తప్పింది. సమాచారం అందుకున్న పోలీసులు సంఘటన స్థలానికి చేరుకుని కేసు నమోదు చేసి దర్యాప్తు చేపట్టారు. ఈ ఘటనపై మరింత సమాచారం తెలియాల్సి ఉంది.
News October 7, 2025
3 గంటల్లో వర్షం.. ప్రకాశం జిల్లాకు ఎల్లో అలర్ట్.!
ప్రకాశం జిల్లాకు రానున్న మూడు గంటల్లో తేలికపాటి వర్ష సూచనతోపాటు, పిడుగులు పడే అవకాశం ఉందని ఏపీ ప్రకృతి విపత్తుల నిర్వహణ సంస్థ మంగళవారం సాయంత్రం ప్రకటించింది. రాష్ట్రవ్యాప్తంగా పలు జిల్లాలకు రెడ్, ఆరెంజ్ అలర్ట్ ప్రకటించగా, ప్రకాశం జిల్లాకు మాత్రం ఎల్లో అలర్ట్ ప్రకటిస్తూ అధికారులు ప్రకటన విడుదల చేశారు. చెట్లకింద ఉండరాదని, తగిన జాగ్రత్తలు వహించాలని ప్రజలకు సూచించారు.