News September 4, 2025
ప్రకాశం జిల్లాలో మరో 4 బార్లకు దరఖాస్తుల ఆహ్వానం
జిల్లా వ్యాప్తంగా ఓపెన్ కేటగిరిలో నాలుగు బార్లకు దరఖాస్తులు ఆహ్వానిస్తున్నట్లు జిల్లా ఎక్సైజ్ అధికారి ఆయేషా బేగం గురువారం తెలిపారు. ఒంగోలు కార్పొరేషన్ పరిధిలో 2, మార్కాపురం మున్సిపాలిటీ పరిధిలో 2 బార్లకు దరఖాస్తులు స్వీకరిస్తామని పేర్కొన్నారు. ఈనెల 14వ తేదీ సాయంత్రం 6 గంటలలోగా దరఖాస్తులు అందించాలని చెప్పారు. 15న లాటరీ తీస్తామని, ఆన్‌లైన్, ఆఫ్‌‌లైన్లో దరఖాస్తులు స్వీకరిస్తామని వెల్లడించారు.
Similar News
News September 5, 2025
మిస్టరీగానే ప్రకాశం జిల్లా హత్య కేసు.!
ప్రకాశం జిల్లాలో <<17608174>>కాల్చి చంపబడిన బ్రహ్మయ్య హత్య<<>> కేసు మిస్టరీగా మారింది. దర్గా గ్రామానికి చెందిన బ్రహ్మయ్య గురువారం దారుణ హత్యకు గురైన విషయం తెలిసిందే. బ్రహ్మయ్య YCP కార్యకర్త కావడంతో నాయకులు రాజకీయ కోణంలో హత్య జరిగిందని ఆరోపిస్తున్నారు. ఇప్పటికే పోలీసులు హత్య కేసు నమోదు చేసి దర్యాప్తు చేపట్టారు. DSP బ్రహ్మయ్య హత్య ఘటనపై స్పందిస్తూ ఇది రాజకీయ కోణంలో జరిగిన హత్య కాదని మీడియా సమావేశంలో తెలిపారు.
News September 5, 2025
నల్లబర్లీ పొగాకు కొనుగోలు చేయాలి: ప్రకాశం కలెక్టర్
ప్రకాశం జిల్లాలో మరో 500 మెట్రిక్ టన్నుల నల్లబర్లీ పొగాకు కొనుగోలు చేసేలా అనుమతించాలని జిల్లా కలెక్టర్ ఏ.తమీమ్ అన్సారియా రాష్ట్ర ప్రభుత్వాన్ని కోరారు. ప్రభుత్వ ప్రధాన కార్యదర్శి కె.విజయానంద్ గురువారం అన్ని జిల్లాల కలెక్టర్లతో వివిధ అంశాలపై ఒంగోలులోని కలెక్టర్ క్యాంపు కార్యాలయం నుంచి వీడియో కాన్ఫరెన్స్ నిర్వహించారు. కలెక్టరుతోపాటు జాయింట్ కలెక్టర్ ఆర్. గోపాలకృష్ణ, పలువురు అధికారులు పాల్గొన్నారు.
News September 5, 2025
ప్రకాశం జిల్లాలో జనసేన తీరుపై పవన్ ఆరా.!
ప్రకాశం జిల్లాలో జనసేన తీరుపై జనసేనాని, డిప్యూటీ సీఎం పవన్ కళ్యాణ్ ఆరా తీసినట్లు సమాచారం. జనసేనలో కీలకంగా ఉండి అన్నిపనులు చక్కబెట్టే ఓ యువనేత నోరుజారిన వీడియోలు వెలుగులోకి వచ్చాయి. దీనిపై ఇప్పటికే జిల్లా అధ్యక్షుడు రియాజ్ స్పందించారు. అయితే ప్రకాశం జిల్లా జనసేన నేతలు ఒక్కతాటిపై లేకనే ఇలాంటి వీడియోలు వెలుగులోకి వచ్చాయని టాక్. ఇదే విషయం పవన్ వద్దకు చేరగా ఈ విషయంపై ఆరా తీసినట్లు తెలుస్తోంది.