News March 30, 2026

ప్రకాశం: పోలీస్ ప్రజా ఫిర్యాదుల వేదికలో 61 అర్జీలు

ప్రకాశం జిల్లా పోలీస్ కార్యాలయంలో సోమవారం నిర్వహించిన ప్రజా ఫిర్యాదుల పరిష్కార వేదిక (మీకోసం) కార్యక్రమానికి 61 ఫిర్యాదులు అందాయి. ప్రజా సమస్యలను ఆలస్యం లేకుండా విచారించి బాధితులకు వేగంగా న్యాయం అందించాలని జిల్లా ఎస్పీ హర్షవర్ధన్ రాజు ఆదేశించారు. అందిన ఫిర్యాదులపై వెంటనే విచారణ చేసి చట్టప్రకారం చర్యలు తీసుకోవాలని అధికారులకు సూచించారు. వృద్ధులు, బాధితుల సమస్యలను ప్రత్యేకంగా పరిగణించాలని తెలిపారు.