News October 23, 2025
ప్రజలు అప్రమత్తంగా ఉండాలి.. కాకినాడ కలెక్టర్ సూచనలు
నైరుతి బంగాళాఖాతంలో ఏర్పడిన అల్పపీడనం పశ్చిమ వాయువ్య దిశగా కదిలి రేపు మధ్యాహ్నం వాయుగుండంగా మారుతుందని కలెక్టర్ షామ్మోహన్ తెలిపారు. ప్రజలు అప్రమత్తంగా ఉండాలని ఆయన కోరారు. పరిస్థితులను సమీక్షించేందుకు కలెక్టరేట్, ఆర్డీఓ, తహశీల్దార్ కార్యాలయాల్లో కంట్రోల్ రూమ్‌లు ఏర్పాటు చేశామని, అవి 27వ తేదీ వరకు పనిచేస్తాయని చెప్పారు. సహాయం కోసం 0884-2356801 నంబర్‌ను సంప్రదించవచ్చన్నారు.
Similar News
News October 24, 2025
జగిత్యాల: ‘రవాణా సమయంలో నిబంధనలు పాటించాలి’
హార్వెస్టర్ యంత్రాల రవాణా సమయంలో రోడ్డు రవాణా నిబంధనలు తప్పక పాటించాలని జిల్లా రవాణా శాఖ అధికారి శ్రీనివాస్ అన్నారు. జగిత్యాల కలెక్టరేట్లో హార్వెస్టర్ యంత్రాల యజమానులు, డ్రైవర్లతో గురువారం నిర్వహించిన సమావేశంలో ఆయన మాట్లాడారు. డ్రైవర్ లైసెన్సు, వాహన పత్రాలు తప్పనిసరిగా కలిగి ఉండాలన్నారు. అధికారులు, రైతులు, యజమానులు పరస్పర సహకారంతో వరికోతలు సజావుగా నిర్వహించి జిల్లా యంత్రాంగానికి సహకరించాలన్నారు.
News October 24, 2025
జగిత్యాల: PSలలో విద్యార్థులు..!
పోలీస్ అమరవీరుల సంస్మరణ(Police Flag Day) వారోత్సవాల సందర్భంగా జిల్లాలో వివిధ పోలీస్ స్టేషన్లలో విద్యార్థులకు ఓపెన్ హౌస్ కార్యక్రమం నిర్వహించారు. జిల్లా ఎస్పీ అశోక్ కుమార్ ఆదేశాల మేరకు జరిగిన కార్యక్రమంలో విద్యార్థులకు PSల పనితీరు, డయల్ 100 సేవలు, FIR నమోదు విధానం, సీసీ కెమెరాల ఉపయోగం, డ్రంక్ అండ్ డ్రైవ్ తనిఖీ, ఫ్రెండ్లీ పోలీసింగ్, భరోసా సెంటర్ సేవలు, షీ టీంల వ్యవస్థ తదితర వాటిపై అవగాహన కల్పించారు.
News October 24, 2025
జగిత్యాల: వివాహిత ఆత్మహత్య.. భర్తకు 10ఏళ్ల జైలు
జగిత్యాల జిల్లా బీరపూర్ మండలం మంగేళకి చెందిన లహరి అలియాస్ ప్రియాంకను సారంగాపూర్ మండలం కోనాపూర్‌కి చెందిన రాజేందర్‌కు ఇచ్చి వివాహం చేశారు. ఈ క్రమంలో అదనపు వరకట్నం కోసం భర్త రాజేందర్ లహరిని వేధించడంచో ఆమె ఆత్మహత్యకు పాల్పడింది. నిందితుడు భర్తపై కేసు నమోదు చేసి రిమాండ్‌కు తరలించారు. విచారణ జరిపిన న్యాయమూర్తి నారాయణ గురువారం నిందితుడికి 10 ఏళ్ల జైలు శిక్ష, రూ.10వేల జరిమానా విధిస్తూ తీర్పునిచ్చారు.