News September 22, 2025
ప్రజల సమస్యలకు శాశ్వత పరిష్కారం చేయాలి: ADB SP
ఆదిలాబాద్ పోలీసు ముఖ్య కార్యాలయంలో ప్రజా ఫిర్యాదుల కార్యక్రమాన్ని నిర్వహించారు. ప్రజలు ఎస్పీ అఖిల్ మహాజన్ ను నేరుగా కలిసి తమ సమస్యలను విన్నవించుకున్నారు. సమస్యలను విన్న ఎస్పీ సంబంధిత పోలీసు అధికారులకు ఫోన్ ద్వారా ఆదేశాలిచ్చి బాధితుల సమస్యల పట్ల బాధ్యతాయుతంగా వ్యవహరించాలని ప్రతి ఒక్క సమస్యను పరిశీలించి శాశ్వతంగా పరిష్కారం చూపాలని ఆదేశించారు. మొత్తం 43 ఫిర్యాదులు వచ్చినట్లు పేర్కొన్నారు.
Similar News
News September 22, 2025
ADB: అగ్రి కళాశాల అసోసియేట్ డీన్‌గా డా.వై.ప్రవీణ్ కుమార్
వ్యవసాయ కళాశాల నూతన అసోసియేట్ డీన్‌గా డాక్టర్ ప్రవీణ్ కుమార్ సోమవారం బాధ్యతలు స్వీకరించారు. ఇది వరకు డీన్‌గా ఉన్న డాక్టర్ శ్రీధర్ చౌహాన్ వ్యవసాయ పరిశోధన స్థానంలో ప్రధాన శాస్త్రవేత్తగా బదిలీపై వెళ్లారు. గతంలో ప్రవీణ్ కుమార్ కృషి విజ్ఞాన కేంద్రం ఆదిలాబాద్‌లో కోఆర్డినేటర్‌గా విధులు నిర్వహించారు. నూతనంగా విధులు స్వీకరించడం పట్ల కళాశాల సిబ్బంది అభినందనలు తెలిపారు.
News September 22, 2025
ప్రత్యేక నిపుణుల వైద్య శిబిరాలు సద్వినియోగం చేసుకోవాలి: ADB కలెక్టర్
ఆదిలాబాద్ జిల్లాలో మంగళవారం SNSPA కార్యక్రమంలో భాగంగా ప్రజల కోసం ప్రత్యేక నిపుణుల వైద్య శిబిరాలు నిర్వహిస్తున్నట్లు కలెక్టర్ రాజర్షి షా ఒక ప్రకటనలో తెలిపారు. ప్రజలు ఆయా మండలాల్లో నిర్వహిస్తున్న శిబిరాలను సద్వినియోగం చేసుకోవాలని కోరారు. స్త్రీ, చిన్న పిల్లల కంటి, చర్మ, పళ్ల సమస్యలు, చెవి-ముక్కు-గొంతు వ్యాధులు, కీళ్ల నొప్పులతో బాధపడుతున్నవారు ఈ శిబిరాలను సద్వినియోగం చేసుకోవాలన్నారు.
News September 22, 2025
ఆదిలాబాద్: SC శాఖలో బతుకమ్మ సంబరాలు
జిల్లాలో ఆయా సంబంధిత శాఖల్లో బతుకమ్మ సంబరాలు మంగళవారం నుంచి ప్రారంభించనున్నట్లు కలెక్టర్ రాజర్షి షా తెలిపారు. ముందుగా SC, BC, ST, మైనార్టీ సంక్షేమ శాఖలకు సంబంధించి SC డెవలప్మెంట్ కార్పొరేషన్ శాఖలో మంగళవారం సాయంత్రం 4 గంటలకు ప్రారంభించనున్నట్లు పేర్కొన్నారు. బతుకమ్మ సంబరాలకు కమిటిని ఏర్పాటు చేసినట్లు పేర్కొన్నారు. అదనపు కలెక్టర్, ఛైర్మెన్, DWO, SC డెవలప్మెంట్, ప్రజా సంబంధాల శాఖ సభ్యులు ఉన్నారు.