News December 8, 2025
ప్రమాదాల నివారణకు SP చర్యలు.. 9 టీమ్లు రెడీ!
బాపట్ల జిల్లాలో రోడ్డు ప్రమాదాలను తగ్గించేందుకు జిల్లా ఎస్పీ బి.ఉమామహేశ్వర్ 19 పోలీస్ స్టేషన్ల పరిధిలో పనిచేసేందుకు తొమ్మిది ప్రత్యేక బృందాలను ఏర్పాటు చేశారు. ప్రతి బృందంలో పోలీసులు, నేషనల్ హైవే, మోటార్ వెహికల్ సిబ్బంది, వాలంటీర్లు ఉంటారు. ఈ బృందాలకు డీపీఓలో శిక్షణ ఇచ్చారు. పెనుమూడి, చీరాల, మేదరమెట్ల వంటి కీలక ప్రాంతాలలో ఈ బృందాలు పనిచేస్తాయని ఎస్పీ తెలిపారు.
Similar News
News December 8, 2025
GNT: అమృత హెల్త్ కార్డులు అందజేసిన కలెక్టర్
ప్రభుత్వ గుర్తింపు పొందిన అనాథాశ్రమాల్లో నివసిస్తున్న అనాథ పిల్లల సంక్షేమం కోసం ఎన్టీఆర్ వైద్యసేవ/అమృత హెల్త్ స్కీమ్ అమలు చేస్తున్నట్లు కలెక్టర్ ఏ.తమీమ్ అన్సారియా అన్నారు. కలెక్టరేట్లో సోమవారం అమృత హెల్త్ కార్డులను కలెక్టర్ చిన్నారులకు అందజేశారు. 39 మంది లబ్దిదారులకు ప్రత్యేక అమృత హెల్త్ కార్డులు పంపిణీ చేశామన్నారు. ఎన్టీఆర్ వైద్యసేవ నెట్వర్క్ ఆసుపత్రుల్లో చిన్నారులు వైద్యం పొందవచ్చన్నారు.
News December 8, 2025
సత్యసాయి: పల్స్ పోలియో గోడ పత్రికల విడుదల
డిసెంబర్ 21వ తేదీన నిర్వహించే పల్స్ పోలియో కార్యక్రమం విజయవంతం చేయాలని కలెక్టర్ శ్యాం ప్రసాద్ పిలుపునిచ్చారు. సోమవారం పుట్టపర్తి కలెక్టరేట్లో ఆయన గోడ పత్రికలను విడుదల చేశారు. జిల్లా వైద్య ఆరోగ్యశాఖ ఆధ్వర్యంలో నిర్వహించే కార్యక్రమంలో 0-5 ఏళ్లలోపు పిల్లలకు పోలియో చుక్కలు వేయించాలని అధికారులకు తెలిపారు. 22, 23 తేదీల్లో వైద్య సిబ్బంది ప్రతి ఇంటి వద్దకు వెళ్లి పోలియో చుక్కలు తప్పనిసరిగా వెయ్యాలన్నారు.
News December 8, 2025
పోలింగ్ రోజున వరంగల్లో స్థానిక సెలవులు: కలెక్టర్
గ్రామ పంచాయతీ ఎన్నికల నేపథ్యంలో డిసెంబర్ 11, 14, 17వ తేదీల్లో పోలింగ్ జరిగే ప్రాంతాల్లో స్థానిక సెలవులు ప్రకటించినట్లు వరంగల్ కలెక్టర్ డా.సత్య శారద తెలిపారు. ప్రభుత్వ ఉద్యోగులు, ప్రైవేట్ కార్మికులందరికీ సెలవు వర్తిస్తుందని పేర్కొన్నారు. ఓటర్లు తప్పకుండా తమ ఓటు హక్కును వినియోగించాలని విజ్ఞప్తి చేశారు.