News February 5, 2026
ప.గో: ఇన్స్టా పరిచయం.. లాడ్జిలో బాలికలపై అత్యాచారయత్నం
పశ్చిమ గోదావరి జిల్లా మొగల్తూరులో ఇద్దరు యువకులపై పోక్సో కేసులు నమోదయ్యాయి. యలమంచిలి మండలానికి చెందిన తొమ్మిదో తరగతి బాలికలు ఇన్స్టాగ్రామ్ ద్వారా పీఎం లంకకు చెందిన యువకులకు పరిచయం అయ్యారు. జనవరి 22న మొగల్తూరులోని లాడ్జికి తీసుకెళ్లి వారిపై అత్యాచారయత్నానికి పాల్పడ్డారు. బాధితుల ఫిర్యాదుతో నరసాపురం CI దుర్గా ప్రసాద్ పర్యవేక్షణలో SI వై. నాగలక్ష్మి విచారణ చేపట్టారు.
Similar News
News February 14, 2026
ప్రజా నేత ‘గుమ్మడి’కి అరుదైన గౌరవం
రాజకీయాల్లో నిరాడంబరతకు, నిజాయతీకి నిలువుటద్దంగా నిలిచే ఇల్లందు మాజీ ఎమ్మెల్యే గుమ్మడి నరసయ్యకు అరుదైన గౌరవం దక్కింది. చెన్నైలోని గ్లోబల్ హ్యూమన్ పీస్ యూనివర్సిటీ ఆయన ప్రజా సేవను గుర్తించి ‘డాక్టరేట్’ ప్రదానం చేసింది. ఐదుసార్లు ఎమ్మెల్యేగా గెలిచినా ఇప్పటికీ సామాన్య జీవితాన్ని గడుపుతూ ఎందరికో ఆదర్శంగా నిలిచిన నరసయ్యకు ఈ పురస్కారం లభించడం పట్ల నియోజకవర్గ వ్యాప్తంగా హర్షాతిరేకాలు వ్యక్తమవుతున్నాయి.
News February 14, 2026
BRS విప్ ఇస్తే గైర్హాజరయ్యేలా ఆ MLAల ప్లాన్!
TG: ఎన్నికల్లో 30కి పైగా మున్సిపాల్టీల్లో హంగ్ ఏర్పడింది. దీంతో ఎక్స్ అఫీషియో సభ్యులుగా ఉండే MP, MLA, MLCలు కీలకంగా మారారు. ఈ తరుణంలో తమ పార్టీ నుంచి గెలిచి కాంగ్రెస్కు సన్నిహితంగా ఉంటున్న MLAల విషయంలో BRS తర్జనభర్జన పడుతోంది. విప్ జారీచేయాలని, దాన్ని ఉల్లంఘిస్తే కనుక అనర్హత కేసుకు బలం చేకూరుతుందని భావిస్తోంది. కాగా BRS విప్ ఇస్తే ఓటింగ్కు దూరంగా ఉండాలని ఆ ఎమ్మెల్యేలు భావిస్తున్నట్లు సమాచారం.
News February 14, 2026
చెన్నైలోని NITTTRలో ఉద్యోగాలు
చెన్నైలోని నేషనల్ ఇన్స్టిట్యూట్ ఆఫ్ టెక్నికల్ టీచర్ ట్రైనింగ్ అండ్ రీసెర్చ్(NITTTR)12 పోస్టుల భర్తీకి నోటిఫికేషన్ విడుదల చేసింది. అర్హతగల అభ్యర్థులు మార్చి 13 వరకు అప్లై చేసుకోవచ్చు. పోస్టును బట్టి డిగ్రీ, డిప్లొమా, టెన్త్ అర్హతతో పాటు పని అనుభవం ఉండాలి. టెక్నికల్ అసిస్టెంట్కు గరిష్ఠ వయసు 40ఏళ్లు కాగా.. MTS పోస్టుకు 35ఏళ్లు. వెబ్సైట్: https://www.nitttrc.ac.in