News November 21, 2025
ప.గో: ప్రియుడి మోసం.. విద్యార్థిని సూసైడ్
భీమవరం రూరల్ మండలం కొవ్వాడలో ఈ నెల 12న ఆత్మహత్య చేసుకున్న విద్యార్థిని కేసులో నిందితుడిని పోలీసులు అరెస్ట్ చేశారు. ప్రేమించి పెళ్లి చేసుకుంటానని మోసం చేయడం వల్లే తన కుమార్తె ఆత్మహత్యకు పాల్పడిందని విద్యార్థిని తండ్రి ఫిర్యాదులో పేర్కొన్నారు. దీనిపై కేసు నమోదు చేసిన ఎస్ఐ వీర్రాజు.. నెల్లూరుకు చెందిన నిందితుడు నవీన్ రెడ్డిని హైదరాబాద్‌లో అరెస్ట్ చేసినట్లు తెలిపారు.
Similar News
News November 23, 2025
అక్రమ లేవుట్లు, భవనాల క్రమబద్దీకరణకు గడువు పెంపు
నెల్లూరు కార్పొరేషన్ పరిధిలో ఉన్న అక్రమలేవుట్లు, భవనాల క్రమబద్దీకరణకు NMC అధికారులు మరోసారి అవకాశం కల్పించారు. BPS పథకంలో భాగంగా 1985 నుంచి 2025 ఆగస్టు వరకు అనధికారికంగా, అనుమతికి మించి నిర్మించిన భవనాలను క్రమబద్దీకరించేందుకు వచ్చే ఏడాది మార్చి 11వ తేదీ వరకు అవకాశం ఇచ్చారు. పూర్తి వివరాలకు టోల్ ఫ్రీ నంబర్‌ 1800-425-1113, 7981651881 నంబర్లను సంప్రదించాలని కమిషనర్ నందన్ కోరారు.
News November 23, 2025
భీమడోలు: పంట కాల్వలో గుర్తు తెలియని వ్యక్తి మృతదేహం
భీమడోలు మండలం కురెళ్లగూడెంలోని వైర్ పంట కాల్వలో గుర్తు తెలియని మృతదేహాన్ని భీమడోలు పోలీసులు శనివారం గుర్తించారు. కొల్లేరు పొలాల్లోకి వెళ్లే వైర్ కాల్వలో సుమారు 35- 45 సం.లు వ్యక్తి మృతదేహం దుర్వాసన రావడంతో గుర్తించామని SI మదీనా బాషా తెలిపారు. మృతుడు గుండుతో చేతికి కాశీ తాడు కలిగి ఉన్నాడన్నారు. తాడేపల్లిగూడెం వైపు నుంచి కొట్టుకు వచ్చి ఉండొచ్చని స్థానిక VRO ఇచ్చిన రిపోర్ట్ మేరకు కేసు నమోదు చేశారు.
News November 23, 2025
వాహనదారులకు ప్రకాశం పోలీస్ కీలక సూచనలు.!
*హైవేల్లో భారీ ప్రమాదాలకు కారణం నిద్ర మత్తు
*నిద్రమత్తు వల్లే ప్రమాదాలు జరిగే అవకాశాలు ఎక్కువ
*మీతోపాటు ప్రయాణికుల, పాదచారుల ప్రాణాలకు ముప్పు
*నిద్రమత్తు అనిపిస్తే వెంటనే వాహనం సైడుకు ఆపి 10-20 నిమిషాలు విశ్రాంతి తీసుకోవాలి
*ప్రయాణం మొదలు పెట్టే ముందు సరిపోయేలా నిద్రపోవాలి
*దీర్ఘ ప్రయాణాల్లో 2 గంటలకు ఒకసారి బ్రేక్ తీసుకోండి.
*వాహనదారులు రహదారి భద్రతా నియమాలు పాటించండి.