News October 12, 2025

బాచుపల్లి రోడ్డులో వాహనదారుల కష్టాలు! పట్టించుకునే వారే లేరా?

నిజాంపేట, బాచుపల్లి, మల్లంపేట రహదారిలో వాహనదారులు, పాదచారులకు కష్టాలు తప్పడం లేదు. రోడ్డు బాగాలేకపోవడం, బాచుపల్లిలో ఫైఓవర్, రహదారి నిర్మాణం పూర్తికాకపోవడం, అనేకచోట్ల కంకర తేలడం, మరోవైపు డస్ట్ న్యూసెన్స్ విపరీతంగా ఉండటంతో ప్రజలు ఇబ్బందులు పడుతున్నారు. నిజాంపేట-మల్లంపేట వరకు నిత్యం తీవ్ర అవస్థలు పడుతున్నట్లు వాహనదారులు వాపోతున్నారు. నెలలు గడుస్తున్నప్పటికీ సమస్యలకు పరిష్కారం దొరకడం లేదని తెలిపారు.