News March 20, 2025
బాపట్ల: వ్యవసాయ కళాశాలలో రైతులకు శిక్షణ
బాపట్ల ఆచార్యఎన్.జి రంగా వ్యవసాయ కళాశాలలో పురుగుమందుల వాడకంపై రైతులకు శిక్షణా కార్యక్రమాన్ని గురువారం నిర్వహించారు. ప్రిన్సిపల్ ప్రసన్నకుమారి, కీటక శాస్త్ర విభాగం డీన్ కోటేశ్వరరావు, అసిస్టెంట్ ప్రొఫెసర్ రత్నకుమారి, పురుగు మందులు వాడేటప్పుడు తీసుకోవాల్సిన జాగ్రత్తలు, వాటి ప్రభావం గురించి తెలిపారు. ఇంకొల్లు మండలానికి చెందిన కొనికి, హనుమాజి పాలెం, సూదివారిపాలెం గ్రామాల రైతులు పాల్గొన్నారు.
Similar News
News March 21, 2025
ప్రకాశం: అన్నాదమ్ములు మృతి.. UPDATE
ప్రకాశం జిల్లా కురిచేడు మండలంలోని పడమటపల్లిలో గురువారం చెరువులో పడి ఇద్దరు విద్యార్థులు మృతి చెందిన విషయం తెలిసిందే. కాగా మృతుల వివరాలను పోలీసులు వెళ్లడించారు. గ్రామానికి చెందిన బత్తుల అభిషేక్ (10), బత్తుల పాల్ (8)గా గుర్తించారు. మృతి చెందిన ఇద్దరు విద్యార్థులు ఒకే కుటుంబానికి చెందిన <<15827660>>అన్నదమ్ములు<<>> కావడంతో కుటుంబ సభ్యులు కన్నీరు మున్నీరుగా విలపిస్తున్నారు.
News March 21, 2025
NTR: మిషన్ వాత్సల్యపై జిల్లా స్థాయి సమీక్ష
కలెక్టర్ లక్ష్మీశ అధ్యక్షతన గురువారం విజయవాడ కలెక్టరేట్‌లో మిషన్ వాత్సల్య – శిశు సంక్షేమ, రక్షణ జిల్లా స్థాయి కమిటీ సమావేశం నిర్వహించారు. మిషన్ వాత్సల్య లక్ష్యాలు, జిల్లాలో వాటి అమలు పురోగతిపై చర్చించారు. కలెక్టర్ మాట్లాడుతూ.. శిశు సంరక్షణ చట్టాల అమలు, కుటుంబ ఆధారిత సంరక్షణ, ఆర్థిక సహకారం, బాలల హక్కుల పరిరక్షణపై దృష్టి సారించాల్సిన అవసరం ఉందన్నారు. కమిటీలు ప్రతి 15 రోజులకు సమావేశం కావాలన్నారు.
News March 21, 2025
నేడే ప్రభుత్వ ఉద్యోగుల పెండింగ్ బకాయిల విడుదల
AP: CM చంద్రబాబు ఆదేశాల మేరకు ఇవాళ ప్రభుత్వ ఉద్యోగుల పెండింగ్ బకాయిలు విడుదల కానున్నాయి. CPS, జీపీఎఫ్, ఏపీజీఏఐ కింద కలిపి రూ.6,200 కోట్లు విడుదల చేసేందుకు అధికారులు సిద్ధమయ్యారు. ఆర్థిక పరమైన ఇబ్బందులు ఉన్నా ఉద్యోగుల సంక్షేమానికి ప్రభుత్వం అధిక ప్రాధాన్యం ఇస్తోందని CM అన్నారు. బకాయిల విడుదలపై ఏపీ జేఏసీ హర్షం వ్యక్తం చేసింది. మిగిలిన పెండింగ్ అంశాలపైనా సానుకూలంగా స్పందించాలని ప్రకటనలో కోరింది.