News October 14, 2025
బాలయ్యకు మంత్రి పదవి వస్తుందా?
హిందూపురం ఎమ్మెల్యే, నటసింహం నందమూరి బాలకృష్ణకు మంత్రి పదవి ఇవ్వాలంటూ కొత్త డిమాండ్ తెరపైకి వచ్చింది. దీనిపై స్పందించిన ఎమ్మెల్యే బాలకృష్ణ.. ‘అవసరమైనప్పుడు మంత్రి పదవి వస్తుంది. ఓపిక పట్టండి’ అంటూ అభిమానులను సముదాయించారు. హిందూపురం నియోజకవర్గంలో అభివృద్ధి జోరుగా జరుగుతోందని.. ఇంకా ఏం కావాలంటూ అభిమానులను అడిగారు. హిందూపురం నుంచి హ్యాట్రిక్ గెలుపు సాధించిన బాలయ్యకు మంత్రి పదవిపై మీ కామెంట్..
Similar News
News October 14, 2025
పొద్దుతిరుగుడులో తెగుళ్ల నివారణకు ఇలా..
వరి కోతల తర్వాత పొద్దుతిరుగుడు పంటను సాధారణ దుక్కి పద్ధతిలో నవంబర్, డిసెంబర్ వరకు విత్తుకోవచ్చు. పంట తొలి దశలో చీడపీడలు, నెక్రోసిస్ వైరస్ తెగులు నివారణకు ఒక కిలో విత్తనానికి థయోమిథాక్సామ్ 3.గ్రా. లేదా ఇమిడాక్లోప్రిడ్ 5ML కలిపి శుద్ధి చేసుకోవాలి. ఆఖరి దుక్కిలో ఎకరాకు 2-3టన్నుల పశువుల ఎరువు వేసుకుంటే ప్రయోజనం ఉంటుంది. అవసరాన్ని బట్టి ఎకరాకు 30KGల నత్రజని, 36KGల భాస్వరం, 12KGల పొటాషియం వేసుకోవాలి.
News October 14, 2025
విజయానికి 58 పరుగుల దూరంలో..
వెస్టిండీస్‌తో రెండో టెస్ట్ చివరి రోజు ఆట ప్రారంభమైంది. భారత్ గెలవడానికి మరో 58 రన్స్ అవసరం. దీంతో తొలి సెషన్‌లోనే ఇండియా విజయం సాధించే అవకాశం ఉంది. క్రీజులో రాహుల్(25), సుదర్శన్(30) ఉన్నారు. భారత్ ఈ మ్యాచులో గెలిస్తే రెండు టెస్టుల సిరీస్‌ క్లీన్‌స్వీప్ అవుతుంది.
News October 14, 2025
బల్కంపేట ఎల్లమ్మ దర్శనానికి పోటెత్తిన భక్తులు
HYD బల్కంపేట ఎల్లమ్మ ఆలయంలో మంగళవారం అమ్మవారికి ప్రత్యేక పూజలు చేశారు. వేకువజామునే ఆలయ అధికారులు, అర్చకులు, వేద పండితులు అమ్మవారి మూలమూర్తికి పంచామృతాలు, సుగంధ ద్రవ్యాలతో అభిషేకం చేశారు. అనంతరం వివిధ పుష్పాలు, పట్టు చీరతో అలంకరించి, పంచ హారతులు, కుంకుమార్చన వంటి ప్రత్యేక పూజలు చేశారు. పెద్ద సంఖ్యలో భక్తులు అమ్మవారిని దర్శించుకుని మొక్కులు చెల్లించుకుంటున్నారు.