News October 30, 2024

బాలికను పెళ్లి చేసుకుని వేధిస్తున్న భర్త.. పోక్సో కేసు నమోదు

విజయవాడలో ఓ మైనర్ బాలికను వేధించిన ఘటనపై పోలీసులు కేసు నమోదు చేశారు. పోలీసుల వివరాల మేరకు.. విజయవాడలో ఉంటున్న 9వ తరగతి విద్యార్థిని(14)పై మేనమామ వరసైన సూరిబాబు మాయమాటలతో 2022లో అత్యాచారం చేయడంతో, పెద్దలు పెళ్లి చేశారు. 2ఏళ్లు గడవకముందే అత్తమామలు, భర్త వేధించడంతో బాలిక పోలీసులను ఆశ్రయించింది. బాలికకు 16ఏళ్లు కావడంతో గుణదల పోలీసులు పోక్సో, అత్యాచారం కింద కేసు నమోదు చేసి దర్యాప్తు చేపట్టారు.