News March 25, 2024
బీజేపీ వరంగల్ ఎంపీ అభ్యర్థిగా అరూరి రమేశ్
![image](https://d1uy1wopdv0whp.cloudfront.net/newsimages/news_32024/1711328395866-normal-WIFI.webp)
BJP వరంగల్ MP అభ్యర్థిగా అరూరి రమేశ్ పేరును ఆ పార్టీ అధిష్ఠానం ఆదివారం రాత్రి ప్రకటించింది. ఇప్పటికే ఇక్కడ BRS అభ్యర్థిగా కడియం కావ్య పేరును ప్రకటించగా.. కాంగ్రెస్ ఇంకా అభ్యర్థిని ఖరారు చేయలేదు. అరూరి తొలిసారిగా స్టేషన్ఘన్పూర్ నుంచి PRP తరఫున పోటీచేసి ఓటమి చెందారు. ఆ తర్వాత BRSలో చేరి 2014, 2018లో వర్ధన్నపేట నుంచి MLAగా గెలిచి.. గత అసెంబ్లీ ఎన్నికల్లో ఓటమి పాలయ్యారు.
Similar News
News July 5, 2024
మరో మైలురాయికి చేరువగా జనగామ ప్రభుత్వ డిగ్రీ కళాశాల!
![image](https://d1uy1wopdv0whp.cloudfront.net/newsimages/news_72024/1720158539034-normal-WIFI.webp)
జనగామ ఆంధ్ర భాషాభివర్ధిని (ABV) ప్రభుత్వ డిగ్రీ కళాశాల మరో మైలు రాయిని చేరుకోబోతోంది. జిల్లాలో ఏకైక ప్రభుత్వ డిగ్రీ కళాశాలగా ఉన్న ఈ కాలేజీకి ఈ విద్యా సంవత్సరంలో స్వతంత్ర ప్రతిపత్తి హోదా వస్తుందని ఆశిస్తున్నారు. UGC నిబంధనలను అనుసరించి రాష్ట్ర ఉన్నత విద్యాశాఖ ఆదేశాల మేరకు ప్రతిపాదనలను UGCకి, కేయూ రిజిస్ట్రారు, కళాశాల అభివృద్ధి కమిటీ డీన్కు సమర్పించినట్లు తెలుస్తోంది.
News July 5, 2024
నర్సింహులపేట: ఇద్దరు యువకుల మృతి.. కేసు నమోదు
![image](https://d1uy1wopdv0whp.cloudfront.net/newsimages/news_72024/1720150840253-normal-WIFI.webp)
MHBD జిల్లా నర్సింహులపేట మండలం రామన్నగూడెంలో అనుమానాస్పద స్థితిలో శ్రవణ్ (25), రహీమ్ (24) అనే ఇద్దరు యువకులు మృతి చెందిన విషయం విదితమే. ఈ విషయమై స్థానిక పోలీసులకు బాధిత కుటుంబీకులు ఫిర్యాదు చేశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. వారి మృతికి కల్తీ కల్లు కారణమని బంధువులు ఆరోపిస్తున్నారు. పోస్టుమార్టం రిపోర్టు వస్తే వివరాలు తెలుస్తాయని పోలీసులు చెబుతున్నారు.
News July 5, 2024
హనుమకొండ: పెళ్లి చేసుకుంటానని నమ్మించి అత్యాచారం
![image](https://d1uy1wopdv0whp.cloudfront.net/newsimages/news_72024/1720141011717-normal-WIFI.webp)
ఏటూరునాగారానికి చెందిన ప్రవీణ్ కుమార్(30), హసన్పర్తి మండలం భీమారానికి చెందిన యువతి (28) కలిసి డిగ్రీ చదివారు. అప్పటి నుంచే ఇద్దరు ప్రేమించుకున్నారు. ప్రస్తుతం భీమారంలోనే ఇద్దరు కలిసి ఉంటున్నారు. అయితే పెళ్లి చేసుకోమని యువతి కోరగా నిరాకరించాడు. దీంతో యువకుడిపై పెళ్లి చేసుకుంటానని నమ్మించి పలుమార్లు అత్యాచారం చేసినట్లు యువతి పోలీసులకు ఫిర్యాదు చేసింది. కేసు నమోదు చేసినట్లు KU ఎస్సై సురేశ్ తెలిపారు.