News August 31, 2025
బీర్పూర్: కుక్కల దాడిలో గాయపడిన బాలుడు.. చికిత్స పొందుతూ మృతి
బీర్పూర్ మండలం తుంగూరు గ్రామానికి చెందిన ఇంద్రాల రక్షిత్ అనే 3డు సంవత్సరాల బాలుడిని ఇటీవల కుక్కలు దాడి చేయడంతో గాయాల పాలయ్యాడు. బాలుడిని మొదట జగిత్యాల ఆస్పత్రికి తరలించి చికిత్స అందించగా, మెరుగైన వైద్యం కోసం అక్కడి నుంచి కరీంనగర్ తరలించారు. మళ్లీ అక్కడి నుంచి సిద్దిపేటకు తరలించి చికిత్స అందించారు. అక్కడ చికిత్స పొందుతూ బాలుడు శనివారం ఉదయం మరణించాడు. బాలుడి మరణంతో గ్రామంలో విషాద ఛాయలు అలుముకున్నాయ
Similar News
News August 31, 2025
నటి ప్రియా మరాఠే కన్నుమూత
ప్రముఖ మరాఠీ నటి ప్రియా మరాఠే(38) ముంబైలోని తన నివాసంలో ఉదయం తుదిశ్వాస విడిచారు. క్యాన్సర్‌తో కొన్నాళ్లు యాక్టింగ్‌కు విరామం తీసుకున్న ఆమె.. తగ్గిందని భావించి తిరిగి నటన ప్రారంభించారు. వ్యాధి ముదరడంతో చికిత్స పొందుతూ ఆమె కన్నుమూశారు. ప్రియ 2006 నుంచి టీవీ పరిశ్రమలో ఉన్నారు. 20కిపైగా సీరియల్స్‌, 2 చిత్రాల్లో నటించారు. సుశాంత్ సింగ్‌తో కలిసి చేసిన ‘పవిత్ర్ రిష్తా’ అనే సీరియల్‌తో ఆమె పాపులరయ్యారు.
News August 31, 2025
ప్రకాశం జిల్లాలో 5 బార్లకు రీ- నోటిఫికేషన్
ప్రకాశం జిల్లాలో 5 ఓపెన్ కేటగిరి బార్లకు నోటిఫికేషన్ జారీ చేసినట్లు జిల్లా ప్రొహిబిషన్ ఎక్సైజ్ అధికారి ఆయేషా బేగం తెలిపారు. ఈ మేరకు శనివారం ఆమె ప్రకటన విడుదల చేశారు. ఒంగోలు మున్సిపల్ కార్పొరేషన్ పరిధిలో 3 బార్లు, మార్కాపురం మున్సిపల్ కార్పొరేషన్ పరిధిలో 2 బార్లకు రీ- నోటిఫికేషన్ జారీ చేశారు. ఈ బార్లకై వచ్చే నెల ఒకటో తేదీ సాయంత్రం 6లోగా ఆన్లైన్‌లో దరఖాస్తుల స్వీకరిస్తామని, 2న లాటరీ తీస్తామన్నారు.
News August 31, 2025
తిరుపతిలో మహిళా పార్లమెంటేరియన్ల సమావేశం
AP: ఆధ్యాత్మిక నగరం తిరుపతి మహిళా పార్లమెంటేరియన్ల సమావేశానికి వేదిక కానుంది. SEP 14, 15 తేదీల్లో జరిగే ఈ సమావేశానికి పలు రాష్ట్రాల నుంచి 300మంది మహిళా MLAలు, MLCలు హాజరవనున్నారు. లోక్‌సభ స్పీకర్ ఓం బిర్లా, CM CBN కార్యక్రమాన్ని ప్రారంభిస్తారని, 15న ముగింపు వేడుకల్లో గవర్నర్ అబ్దుల్ నజీర్ పాల్గొంటారని స్పీకర్ అయ్యన్నపాత్రుడు వెల్లడించారు. ఈ వేడుకలకు ఏపీ ఆతిథ్యం ఇవ్వడంపై ఆయన హర్షం వ్యక్తం చేశారు.