News March 5, 2026

బెంబేలెత్తుతున్న శ్రీ సత్యసాయి జిల్లా ప్రజలు

మధ్యాహ్నం ఎండలు, రాత్రి ఉక్కపోతతో శ్రీ సత్యసాయి జిల్లా ప్రజలు అల్లాడిపోతున్నారు. రోజు రోజుకూ ఎండ తీవ్రత పెరిగిపోతోంది. ఈనెల 1న దేశంలోనే అత్యధికంగా అనంతపురంలో గరిష్ఠ ఉష్ణోగ్రత 38.4 డిగ్రీలు నమోదైంది. ఈ సీజన్‌లో ఇదే అత్యధికం. బుధవారం పుట్టపర్తి మండలంలో 35.21 డిగ్రీల ఉష్ణోగ్రత నమోదైందని వాతావరణ శాఖ తెలిపింది. ధర్మవరం, కదిరి మండలాల్లో 34.21, హిందూపురం మండలంలో 34.19 డిగ్రీలు నమోదయ్యాయి.