News February 5, 2026

భద్రకాళి అమ్మవారికి ప్రత్యేక పూజలు

వరంగల్ శ్రీ భద్రకాళి అమ్మవారికి గురువారం ప్రాతఃకాలంలో అర్చకులు విశేష పూజలు చేశారు. తెల్లవారుజామునే ఆలయ ద్వారాలు తెరిచి, అమ్మవారికి పంచామృతాలతో శాస్త్రోక్తంగా అభిషేకాలు జరిపారు. అనంతరం నూతన వస్త్రాలంకరణతో ప్రత్యేక అర్చనలు చేశారు. తెల్లవారుజాము నుంచే భక్తులు ఆలయానికి చేరుకుని దర్శనం చేసుకున్నారు. భక్తులకు ఇబ్బందులు కలగకుండా ఆలయ అధికారులు ఏర్పాట్లు చేయగా, అర్చకులు భక్తులకు తీర్థప్రసాదాలను అందజేశారు.