News March 7, 2026

భద్రాద్రి జిల్లాలో సమయపాలన పాటించని రేషన్ డీలర్లు

జిల్లాలో పౌర సరఫరాల శాఖ అధికారుల పర్యవేక్షణ, పరిశీలన లేకపోవడంతో డీలర్లు సమయపాలన పాటించడం లేదని ఆరోపణలు వెల్లువెత్తుతున్నాయి. రేషన్ షాపులు తెరిచే సమయం లబ్ధిదారులకు తెలిపి ఆ సమయంలోనే బియ్యం అందించాలని అధికారులు చెబుతుంటే, రేషన్ డీలర్లు మాత్రం నిబంధనలు పాటించడం లేదు. దీంతో లబ్ధిదారులు ఇబ్బందులు పడుతున్నారు. రేషన్ షాప్‌లు ఎప్పుడు తీస్తారోనని కొందరు షాపుల దగ్గరే పడిగాపులు కాయాల్సిన పరిస్థితి ఏర్పడింది.