News December 2, 2025

భద్రాద్రి: విషాదం.. నీటి సంపులో పడి చిన్నారి మృతి

ఇల్లందు మండలం సుంకరగూడెంలో నీటి సంపు ఓ నిండు ప్రాణాన్ని బలిగొంది. గ్రామానికి చెందిన ఫ్రాన్సీ(4) సోమవారం ఉదయం ఆడుకోవడానికి వెళ్లి తిరిగి రాకపోవడంతో కుటుంబ సభ్యులు గాలించారు. సాయంత్రం వేళ, గ్రామంలోని ఓ వ్యక్తి ఇంటివద్ద ఏర్పాటు చేసిన నీటి సంపులో ఆ చిన్నారి శవమై తేలింది. చిన్నారి మృతితో ఆ గ్రామంలో విషాదఛాయలు అలుముకున్నాయి. దర్యాప్తు చేస్తున్నామని సీఐ సురేశ్ తెలిపారు.