News December 31, 2025
భారీ లాభాల్లో స్టాక్ మార్కెట్ సూచీలు
దేశీయ స్టాక్ మార్కెట్ సూచీలు భారీ లాభాల్లో దూసుకెళ్తున్నాయి. ఉదయమే సానుకూలంగా ప్రారంభమైన indices అంతకంతకూ పెరుగుతూ ఇంట్రాడే గరిష్ఠాలను నమోదు చేస్తున్నాయి. సెన్సెక్స్ 429 పాయింట్ల లాభంతో 85,104 వద్ద.. నిఫ్టీ 154 పాయింట్లు పెరిగి 26,092 దగ్గర ట్రేడవుతోంది. టాటా స్టీల్, పవర్ గ్రిడ్, రిలయన్స్, ట్రెంట్, టైటాన్ షేర్లు లాభాల్లో.. TCS, బజాజ్ ఫైనాన్స్, ఇన్ఫీ, బజాజ్ ఫిన్సర్వ్ షేర్లు నష్టాల్లో ఉన్నాయి.
Similar News
News December 31, 2025
చీని, నిమ్మ తోటల్లో ఎగిరే పేను బెడద
చీని, నిమ్మ తోటల్లో కొన్నేళ్లుగా ఎగిరేపేను ఉద్ధృతి కనిపిస్తోంది. ఈ పురుగులు లేత ఆకులు, పూతను ఆశించి రసం పీల్చడం వల్ల ఆకులు వాడిపోయి, వంకర్లు తిరగడంతో పాటు పూత కూడా రాలిపోతోంది. దీని వల్ల మొక్కల పెరుగుదల ఆగిపోయి కొమ్మలు పై నుంచి కిందకు ఎండిపోతాయి. రసం పీల్చడం వల్ల ఆకులు, కాయలపై జిగురు వంటి పదార్థం విడుదలై నల్లని బూజు ఏర్పడుతుంది. ఎగిరే పేను వల్ల చీని, నిమ్మ తోటల్లో శంకు తెగులు కూడా వ్యాపిస్తుంది.
News December 31, 2025
IISER తిరుపతిలో ఉద్యోగాలకు దరఖాస్తుల ఆహ్వానం
తిరుపతిలోని ఇండియన్ ఇన్స్టిట్యూట్ ఆఫ్ సైన్స్ ఎడ్యుకేషన్ అండ్ రీసెర్చ్ (IISER)లో 22 నాన్ టీచింగ్ పోస్టుల భర్తీకి దరఖాస్తు ప్రక్రియ కొనసాగుతోంది. అర్హతగల వారు FEB 2 వరకు అప్లై చేసుకోవచ్చు. పోస్టును బట్టి BE, B.Tech, డిప్లొమా, MBBS, MD, PG, MSc, MCA, BS-MS, M.LSc, BSc ఉత్తీర్ణతతో పాటు పని అనుభవం ఉండాలి. స్క్రీనింగ్/స్కిల్/రాత పరీక్ష ద్వారా ఎంపిక చేస్తారు. వెబ్సైట్: www.iisertirupati.ac.in
News December 31, 2025
మేడిగడ్డ పునరుద్ధరణ పనులకు సిద్ధం: L&T
మేడిగడ్డపై ప్రభుత్వ నోటీసులకు L&T స్పందించింది. పనులు పునరుద్ధరించాలన్న సర్కార్ నోటీసులపై సానుకూలత వ్యక్తం చేసింది. అందుకు సిద్ధంగా ఉన్నామని తెలిపింది. ప్రాజెక్ట్ పెండింగ్ బకాయిలు చెల్లించాలని కోరింది. మేడిగడ్డ కుంగిపోవడానికి నిర్మాణ సంస్థ అయిన L&Tనే కారణమని విజిలెన్స్, NDSA రిపోర్టులో తేల్చిన విషయం తెలిసిందే. దాంతో కుంగిన బ్యారేజీలకు నిర్మాణ సంస్థనే రిపేరు చేయాలని ప్రభుత్వం పలు నోటీసులు పంపింది.