News November 23, 2024
భీమవరం: కేంద్ర మంత్రికి జిల్లా ప్రముఖులు పరామర్శలు
పితృవియోగం పొందిన కేంద్ర మంత్రి భూపతి రాజు శ్రీనివాస్ వర్మను పలువురు నేతలు శనివారం పరామర్శించారు. డిప్యూటీ స్పీకర్ కనుమూరి రఘురాం కృష్ణంరాజు, మంత్రి నిమ్మల రామానాయుడు, ప్రభుత్వ విప్ బొలిశెట్టి శ్రీనివాస్, ఎమ్మెల్యేలు పులపర్తి రామాంజనేయులు, ఆరమిల్లి రాధాకృష్ణ, ధర్మరాజు, ఏపీఐఐసీ ఛైర్మన్ మంతెన రామరాజు, మాజీ ఎమ్మెల్యే ముదునూరి ప్రసాద్ రాజు, మాజీ ఎమ్మెల్సీ అంగర రామ్మోహన్ రావు తదితరులు పాల్గొన్నారు.
Similar News
News November 23, 2024
ఉమ్మడి ప.గో. జిల్లా నేతలకు కీలక పదవులు
ఉమ్మడి పశ్చిమగోదావరి జిల్లాలోని నేతలను కీలక పదవులు వరించాయి. APC ఛైర్మన్‌గా భీమవరం MLA రామంజనేయులు, అదే కమిటీకి సభ్యుడిగా తణుకు MLA రాధకృష్ణ తాజాగా ఎంపికయ్యారు. ఇటీవల ఉండి MLA రఘురామకు DY. స్పీకర్ పదవి లభించింది. కూటమి ప్రభుత్వం ఏర్పాడ్డాక జిల్లా నేతలను కీలక పదవులు వరించాయి. దీంతో శుక్రవారం CM, డిప్యూటీ సీఎం, పలువురు కూటమి నాయకులు వారికి అభినందనలు తెలిపారు.
News November 22, 2024
రఘురామతో హిందూపురం ఎమ్మెల్యే భేటీ
శాసనసభ సమయంలో హిందూపురం ఎమ్మెల్యే నందమూరి బాలకృష్ణ ఉండి ఎమ్మెల్యే, అసెంబ్లీ డిప్యూటీ స్పీకర్ కనుమూరి రఘురామకృష్ణంరాజు భేటీ అయ్యారు. ఇద్దరి మధ్య పలు అంశాలు చర్చించుకున్నారు. ఉండి నియోజకవర్గం అభివృద్ధి గురించి బాలకృష్ణ తెలుసుకున్నారు. ప్రజల సంక్షేమం కోసం కూటమి ప్రభుత్వం పనిచేస్తున్నట్టు తెలిపారు. ప్రభుత్వం మంజూరు చేసే నిధులు కోసం ఎదురు చూడకుండా స్వంత అభివృద్ధి నిధి ఏర్పాటు చేయటం అభినందనీయం అన్నారు.
News November 22, 2024
కేంద్రమంత్రి తండ్రి మృతిపై CM చంద్రబాబు దిగ్భ్రాంతి
నర్సాపురం ఎంపీ, కేంద్రసహాయ మంత్రి శ్రీనివాస్ వర్మ తండ్రి సూర్యనారాయణ మృతి పట్ల సీఎం చంద్రబాబు తీవ్ర దిగ్భ్రాంతి వ్యక్తం చేశారు. ఆయన ఆత్మకు శాంతి చేకూరాలని ప్రార్థిస్తున్నట్లు సీఎం ట్వీట్ చేశారు. సూర్యనారాయణ కుటుంబసభ్యులకు సీఎం తన ప్రగాఢ సానుభూతి తెలిపారు.