News August 20, 2025

భువనగిరి: చెరువులో స్నానానికి దిగి యువకుడి గల్లంతు

మర్యాలలోని కురుమనుకుంట చెరువులో పడి నందులాల్ (23) అనే ఉత్తరప్రదేశ్‌ యువకుడు గల్లంతయ్యాడు. పక్కనే ఉన్న క్రషర్ కంపెనీలో పనిచేసే నందులాల్ మంగళవారం ఉదయం స్నానం చేయడానికి చెరువులోకి దిగి ప్రమాదవశాత్తు మునిగిపోయాడు. సమాచారం అందుకున్న ఎస్సై శ్రీశైలం బృందం గాలింపు చర్యలు చేపట్టింది. రాత్రి వరకు వెతికినప్పటికీ ఆచూకీ లభించలేదు. బుధవారం ఉదయం మళ్లీ గాలింపు చర్యలు ప్రారంభిస్తామని పోలీసులు తెలిపారు.