News February 24, 2026
భూపాలపల్లి జిల్లాలో 8.4 మి.మీల వర్షపాతం నమోదు
జయశంకర్ భూపాలపల్లి జిల్లాలో మొత్తంగా 8.4 మి.మీల వర్షపాతం నమోదైంది. టేకుమట్ల మండలంలో అత్యధికంగా 6.2 మి.మీలు, రేగొండ మండలంలో 2.2 మి.మీల వర్షం కురిసింది. మహాదేవ్పూర్, పలిమెల, కాటారం, రేగొండ తదితర మండలాల్లో వర్షపాతం నమోదు కాలేదు. జిల్లా సగటు వర్షపాతం 0.7 మి.మీలుగా నమోదైనట్లు సీపీఓ కార్యాలయం వెల్లడించింది.
Similar News
News February 25, 2026
HNK: సందేహాలు, సమస్యలపై టోల్ ఫ్రీ నంబర్లు
ఇంటర్ పరీక్ష కేంద్రాల వద్ద ఎక్కడైనా విద్యార్థులు ఆందోళనకు గురై మానసిక సమస్యలు ఎదురైతే వెంటనే 14416 టోల్ ఫ్రీ నంబర్కు సమాచారం అందించాలని హనుమకొండ జిల్లా డీఐఈవో గోపాల్ సూచించారు. అలాగే విద్యార్థులకు, తల్లిదండ్రులకు ఏవైనా సందేహాలు ఉంటే 92402 05555 టోల్ ఫ్రీ నంబర్ను సంప్రదించవచ్చని తెలిపారు. సకాలానికి విద్యార్థులు సెంటర్లకు చేరుకొని ఒత్తిడి లేకుండా పరీక్ష రాయాలన్నారు.
News February 25, 2026
ADB: ఉదయం కూతురి నిశ్చితార్థం.. రాత్రి తండ్రి మృతి
బోథ్లో మంగళవారం విషాదం జరిగింది. కుమార్తె నిశ్చితార్థం ముగిసిన కొద్ది గంటల్లోనే తండ్రి మరణించడంతో ఆ ఇంట్లో విషాదం నిండుకుంది. పందిరి శంకర్ తన కుమార్తె నిశ్చితార్థాన్ని సోమవారం ఘనంగా జరిపించారు. బంధువుల రాకతో ఇల్లు కళకళలాడుతుండగానే, అదే రాత్రి ఆయన నిద్రలోనే గుండెపోటుతో కన్నుమూశారు. పెళ్లి పీటలపై కూతురిని చూడాల్సిన తండ్రి విగతజీవిగా మారడంతో ఆ కుటుంబం శోకసంద్రంలో మునిగిపోయింది.
News February 25, 2026
టెన్షన్ వద్దు.. మీ గెలుపు మీ చేతుల్లోనే!
TG: ఇంటర్ విద్యార్థులకు నేటి నుంచి MAR 18 వరకు బిగ్ డేస్. ఇవాళ్టి నుంచే వార్షిక పరీక్షలు ప్రారంభమవుతున్నాయి. టెన్షన్ పడితే తెలిసినవి కూడా మర్చిపోయే ప్రమాదం ఉంది. అందుకే కూల్గా ఎగ్జామ్ హాల్లోకి వెళ్లండి. ప్రశ్నపత్రం చూడగానే కంగారు పడకుండా మీకు బాగా వచ్చిన ప్రశ్నలతోనే మీ స్కోరింగ్ వేటను ప్రారంభించండి. ఇది మీ ఆత్మవిశ్వాసాన్ని రెట్టింపు చేస్తుంది. ప్రతి నిమిషాన్ని తెలివిగా వాడుకోండి. ALL THE BEST